Home Blog

Dikur nuk u bënte përshtypje as trajnerëve kosovarë, tash do ta vesh fanellën e Dinamo Zagrebit – historia interesante e Lirim Kastratit

0

 

Kastrati, futbollisti aktual i Lokomotivës së Zagrebit dhe i Kombëtares së Kosovës, ka sakrifikuar shumë për të arritur në nivel që është tani.

Në 12-vjetorin e pavarësisë së Kosovës (17 shkurt), ai zyrtarizoi kalimin te gjiganti kroat Dinamo Zagreb, ku do të transferohet gjatë verës. Data 17 shkurt ka kuptim të madh për të, pasi në vitin 2018 debutoi me fanellën e Lokomotivës.

Por rrugëtimi i yllit të ri kosovar nuk ishte aspak i lehtë dhe në të ngërthen disa histori mjaft interesante.

21-vjeçari u largua nga familja në moshën 15 vjeçare për të ndjekur ëndrrën për t’u bërë një futbollist i madh.

Kastrati, i lindur në fshatin Hogosht të Kamenicës karrierën e ka nisur te KF Kika, ndërsa tre vite ka qenë edhe pjesë e Dardanës, si dhe një vit tjetër ishte pjesë e shkollës Arsenali që gjendet në Prishtinë.

Pas një periudhe të suksesshme te shkolla e futbollit Arsenali, ai arrin që të kalojë në kampionatin shqiptar ku transferohet fillimisht te shkolla e futbollit ‘Loro Boriçi’ e më pas te Shkëndija e Tiranës, ku qëndron për dy vite e gjysmë dhe më pas bën hapin gjigant në drejtim të Lokomotivës së Zagrebit, ekipi ‘satelitë’ i Dinamos.

Por, si rodhën gjërat që Lirimi për një kohë të shkurtër të depërtojë nga Kosova në Shqipëri e më pas në Kroaci?

Jemi mësuar shumë shpesh të dëgjojmë rrëfime nga më të ndryshmet për futbollistët e njohur dhe që kishin një fëmijëri tejet të vështirë. Shumica prej tyre qëndruan një kohë të gjatë larg familjeve për të arritur qëllimet që ia kishin vënë vetes.

E fatin e njëjtë e kishte edhe Lirim Kastrati, i cili në moshën 15 vjeçare u largua nga familja me dëshirën dhe ëndrrën për t’u bërë futbollist profesionist.

Ai më parë kishte rrëfyer shumçka rreth karrierës së tij si dhe ka treguar vështirësitë që kishte kur u largua nga familja në moshën 15 vjeçare.

“Ka qenë shumë e vështirë pasi në moshën 15 vjeçare jam larguar nga familja, kam jetuar në Shqipëri rreth 2 vite e gjysmë pa familje dhe tani jetoj në Zagreb që 3 vjet, edhe atje pa familje është shumë vështirë, por kur e ke një synim për të arritur dicka është më e lehtë,” ka thënë Kastrati në një intervistë për Radio Prishtinën.

Lajmi.net ka kontaktuar trajnerin që ka punuar me Lirimin gjatë kohës sa ishte ky i fundit pjesë e shkollës së futbollit ‘Arsenal’, gjatë sezonit 2013/14.

Huar Morina, tekniku që ka punuar me futbollistin kosovar, ka vetëm fjalë lavdëruese për Kastratin, teksa tregoi detajisht ardhjen e tij te shkolla e futbollit ku Morina është trajner.

”Lirimi është i Hogoshtit, ka qenë lojtar i Dardanës, në një moment dikush prej shokëve të babës i ka thanë që djali po luan futboll mirë dhe duhesh me avancu – edhe ai e ka njoftë trajnerin Sami Sërmaxhaj, të cilit i ka thanë gjema një shkollë futbolli në të cilin punohet mirë për me avancu përpara. Samia e ka preferu shkollën tonë, pra shkollën e futbollit ‘’Arsenal’’.

Trajneri i njohur prishtinas më tej zbuloi se si Lirimi nuk iu bëri fare përshtypje në fillim, por në një lojë miqësore ai u tregua spektakolar.

”Na kanë thirr më pas në telefon, na tregun që po dojnë me e pru djalin në shkollën tonë. Ka qenë ditë e mërkurë kur ka ardh, kemi pasë stërvitje me topa dhe nuk na la përshtypje. Ditën e dytë nisi ngapak, por jo mjaftueshëm. Ditën e shtunë kishim një lojë miqësore në Vushtrri U15 dhe hajt thamë ta marrim Lirimin, t’ia bojmë një test me këqyr çfarë lojtari është. Edhe filluam lojën me U15, ndërsa Lirimi ishte rezervë, as nuk kishte fanella se veç sa erdh. U kry pjesa e parë, filloi pjesa e dytë dhe thashë hajt ta fusim këtë djalin pak. I thashë qysh e ki emrin tha Lirim, i thashë hajde afrohu këtu dhe ia sigurova fanellat, e pyeta çka luan ti tha luaj sulmues krahu. Futu pra në atë rol i thashë. Në momentin e parë që e ka prek topin në mesfushë, ai ka kalu pesë apo gjashtë lojtarë të Vushtrrisë dhe ka shënuar gol. Prapë ka fillu loja, prapë ka vepru njëjtë dhe ka shënu gol. Pas pesë minutave, sërish veprim i njëjtë duke shënuar golin e tretë”, tregonte për lajmi.net me shumë entuziazëm trajneri që kishte punuar me Kastratin në moshën e hershme.

”Përfundoi loja, krejt thonin kush është ky lojtar? Nga erdh ky?”.

”Pasi hypëm në kombibus, e pyta Lirimin thashë a lujte? Tha po trajner, a nuk e pe që dhashë tre gola a? Thashë jo nuk të kam vërejt”, tha Huari, i cili thotë se sot e asaj dite kjo batutë përcjell çdo bisedë mes tij dhe Lirimit.

”Vazhdoi stërvitjen dhe e menduam që ky djalë ka nevojë për avancim. Ia dhamë mundësinë duke e çuar në shkollën e futbollit ‘Loro Boriçi’ në Tiranë, ku stërviti edhe më shumë e më pas kaloi në Kroaci”.

Por si e vlerëson ai kalimin e anësorit të talentuar në Kroaci?

”Lirimi ka bo mirë që ka shku në Dinamo Zagreb, sepse Dinamo është një klub i madh dhe besoj do të vlerësohet më shumë si lojtar. Është një hap i qëlluar për të arritur në majat e futbollit evropian”, shtoi më tej trajneri Huar Morina për lajmi.net.

“Kur kam qenë pjesë e Arsenalit unë çdo ditë kam bërë 5 orë me autobus rrugë nga Hogoshti deri në Prishtinë vetëm nga vullneti i madh që kam pasur për të bërë stërvitje, tash të rinjtë e kanë 5 minuta afër fushën dhe nuk dëshirojnë me shku në stërvitje, ata duhet t’ia lënë vetit një synim dhe të punojnë për një qëllim. Nuk bën me u dorëzu”, rrëfente dikur Lirimi vështirësitë që e karakterizuan karrierën e tij.

Si arriti që nga Shqipëria të transferohej te Lokomotiva e Zagrebit e më pas te Dinamo?

Lirim Kastrati gjatë periudhës sa ishte në Shqipëri kishte qëndruar në një konviktë si dhe kishte përfunduar shkollimin atje, por kjo veç sa e motivoi për të arritur më shumë.

Shkëndija kishte një ndeshje miqësore me Dritën e Gjilanit dhe në atë takim Lirimi kishte shënuar hat-trik, ashtu siç bënte në miqësoren ndaj Vushtrrisë, dhe videon me golat e kishte vendosur në youtube, ku më pas kishin ardhur oferta të ndryshme nga shumë meanxherë të futbollit.

20 vjeçari i kishte bindur drejtuesit e Lokomotivës që të nënshkruanin me të pas vetëm një seance stërvitore.

“Kemi pas një ndeshje miqësore, Shkëndija me Dritën dhe pastaj kam bërë një video kam shënuar 3 gola dhe kam nxjerrë atë video në Youtube dhe më pas më kanë kontaktuar shumë menaxhera. Më pas kam shkuar në Lokomotivë të Zagrebit ku pas vetëm një ditë stërvitje kam nënshkruar kontratë”.

I lindur gjatë kohës së luftës në Kosovës, Lirimi nga vera do ta vesh fanellën e Dinamo Zagrebit – si rrugëdalje për të dalë në top klubet evropiane, ashtu siç bëri mbrojtësi Amir Rrahmani i cili do të luajë te Napoli nga vera.

Ai ka qenë nën vëzhgim të drejtuesve të kampionit të shumëfishtë kroat që nga sezoni i kaluar. Dinamo pagoi 1.8 milionë euro për t’i siguruar shërbimet e talentit nga Hogoshti.

Karriera e tij me Kombëtaren e Kosovës

Lirimi mbron me krenari edhe fanellën e Kombëtares së Kosovës U21 derisa ka qenë i ftuar tre herë edhe në ekipin senior dardan.

21-vjeçari kishte refuzuar oferta të kombëtareve të mëdha, për ta përfaqësuar denjësisht vendin e tij.

Ai ka realizuar shtatë paraqitje për Kosovën U21, duke shënuar një gol dhe ka përfaqësuar pesë herë Kosovën U19.

Lirim Kastrati kishte një porosi për të rinjtë që ëndërrohen të bëhen futbollistë të mëdhenj.

“Kur kam mujt unë nga Hogoshti me depërtu në Zagreb tash e kanë edhe më lehtë. Ata duhet t’ia lënë vetit një synim dhe të punojnë për një qëllim. Nuk bën me u dorëzu”, ishte këshilla e tij për të futbollistët e rinj. /Lajmi.net/ 

 

 

 

 

 


Milan po ia merr nga duar Bayernit yllin e Ajaxit

0

Milan mund të bëjë një veprim për një mbrojtës të Ajax këtë verë në mënyrë që të ndihmojë në rregullimin e asaj që ka qenë një zonë problematike këtë sezon.

Kuqezinjtë kanë luftuar masivisht për qëndrueshmëri sidomos në mbrotje.

Davide Calabria dhe Andrea Conti nuk kanë qenë në gjendje të krijojnë lojëra të duhura për shkak të dëmtimeve, pezullimeve dhe formës së përgjithshme të dobët.

Calciomercato po raporton që Milani do të dëgjojë oferta si për Calabria ashtu edhe për Contin këtë verë, me ish-një produkt të akademisë i cili do të përfaqësonte fitime të pastra kapitali në bilanc, diçka që mund të bindte Menaxhimin e Elliott, përcjell ORAinfo.

Dhe sipas Calciomercato, Milani tashmë mund të ketë një zëvendësim të rreshtuar në Ajg Serxino Dest.
19-vjeçari me sa duket ka ‘sjellë në vëmendjen’ e drejtorit sportiv Ricky Massara, i cili mund të bënte një përpjekje gjatë verës.

Sidoqoftë, raporti shton se operacioni do të jetë gjithçka, por i thjeshtë duke pasur parasysh që tashmë se ka shumë klube pas Dest, përfshirë Bayern Munich.

Kontrata e 19-vjeçarit skadon në qershor 2022, dhe ai ka luajtur 32 ndeshje këtë vit duke shënuar dy gola dhe mbledhur gjashtë asistime. /ORAinfo/


Me lot në sy, fjalimi i plotë prekës i Vannesa Bryant për vajzën dhe burrin e saj

0

E veja e Kobe Bryant, Vanessa, e mbajti një fjalim prekës për vajzën e saj 13-vjeçare, Gianna, gjatë ceremonisë përkujtimore për Kobe dhe Giannas, të cilët vdiqën më 26 janar, shkaku i një aksidenti me helikopterin me të cilin po udhëtonin. Fjalimin e plotë mund ta lexoni në vijim.

“Vajza ime e vogël. Gianna Bryant është një shpirt mrekullisht i ëmbël dhe i butë. Ajo ishte shumë e kujdesshme dhe gjithmonë më jepte nga një puthje për të më uruar natë të mirë dhe mëngjes të mirë”, e filloi fjalimin Vanessa.

“Kishte disa raste kur unë isha absolutisht e lodhur sepse kisha mbetur zgjuar gjithë natën me Biankan dhe Caprin dhe mendoja se ajo kishte shkuar në shkollë pa më thënë mirupafshim. Unë i shkruaja mesazh dhe i thosha: “S’ka puthje?” dhe Gianna ma kthente: “Mama, unë të putha. Ti ishe në gjumë dhe s’doja të të zgjoja” Ajo e dinte se sa rëndësi kishin puthjet e saj në mëngjes dhe mbrëmje për mua dhe ajo gjithmonë e mbante mend të më puthte çdo ditë”.

“Ajo ishte vajza e babait, por unë e di se ajo e donte shumë edhe nënën e saj dhe gjithmonë ma dëshmonte këtë dhe më tregonte se sa shumë më donte. Ajo ishte njëra ndër shoqet e mia më të mira” , transmeton Gazeta Express.

“Asaj i pëlqente shumë të piqte ëmbëlsira. Asaj i pëlqente t’i bënte të tjerët të buzëqeshin. Në gusht të vitit të kaluar, ajo ia përgatiti një tortë të bukur babait të saj . Torta dukej sikur të ishte dekoruar nga një profesioniste. Ajo i bënte biskotat më të mirë me copëza çokollate. Asaj i pëlqente të shikonte seri televizive për gatim me mua, dhe e shikonte “NBA on TNT” me babanë. Asaj i pëlqente të shikonte filma të Disneyt me motrat e veta”.

“Gigi kishte shpirt garues sikur babai i saj, por ajo e kishte një nur të ëmbël për veten. Buzëqeshja e saj ishte sikur rrezet e diellit. Buzëqeshja e saj ia kaplonte tëpër fytyrën, ashtu si e imja. Kobe gjithmonë thoshte se ajo ishte si unë. Ajo e kishte zjarrin tim, personalitetin dhe sarkazmën time dhe ajo ishte e ëmbël dhe e dashur përbrenda. Ajo e kishte të qeshurën më të mirë. Ishte një e qeshur infektive. Ishte e pastër dhe e sinqertë”.

“Kobe dhe Gianna tërhiqeshin ndaj njëri-tjetrit në mënyrë natyrale. Ajo e kishte aftësinë e Kobet për ta dëgjuar një këngë dhe për t’i mësuar përmendsh të gjitha fjalët pasi ta ketë dëgjuar atë këngë vetëm pak herë. Ky ishte sekreti i tyre i fshehur”.

“Ajo ishte një atlete e mrekullueshme. Ajo ishte e mrekullueshme në gjimnastikë, futboll, softball, vallëzim dhe basketboll. Ajo ishte valltare e mrekullueshme. I pëlqente noti, vallëzimi dhe bënte kërcime të ndryshme në pishinën tonë. Gigit i pëlqenin shumë vallëzimet në TikTok”.

“Gigi kishte vetëbesim, por nuk ishte arrogante. Asaj i pëlqente t’i ndihmojë dhe t’i mësojë njerëzit të tjerë. Në shkollë ajo i ofronte trajnerit të ekipit të djemve basketbollit këshilla, si për shembull në mbrojtje. Ajo ishte shumë si babai i saj dhe atyre të dyve u pëlqente t’u ndihmojnë njerëzve të mësojnë gjëra të reja. Ata ishin mësues të mrekullueshëm”.

“Gigi ishte shumë e ëmbël. Ajo gjithmonë sigurohej që të gjithë të ishin në rregull dhe ajo ishte kujdestarja jonë. Ajo gjithmonë e mbante familjen tonë së bashku. Asaj i pëlqenin traditat familjare dhe netët për filma në familja kishin shumë rëndësi për të. Ajo gjithmonë kujdesej për të gjithë. Ajo ishte gjithmonë në një vijë me ndjenjat tona dhe e donte më të mirën për ne”.

“Gianna ishte shumë e mençur. Ajo dinte të lexonte, të fliste dhe shkruante në gjuhen mandarin, ajo dinte spanjisht dhe kishte nota të mira në shkollë. Ajo i mbante notat e mira përderisa ishte në rrugë për t’u bërë një basketbolliste e mrekullueshne. Ajo ishte presidentja e shpirtit të shkollës, ishte në këshillin studentor. Ajo ishte ndihmësja e drejtoreshës për skeçet e skuadrës, ashtu sikur motra e saj e madhe. Ajo mezi po priste ta kryente klasën e tetë dhe të shkonte në shkollë të mesme me motrën e madhe, Natalian. Jam shumë e lumtur që asaj i është dhënë mundësia ta dijë se është pranuar në të njëjtën shkollë të mesme. Ajo ishte me të vërtetë shumë e lumtur”, shtoi Vannesa, transmeton Gazeta Express.

“Gianna na bënte të gjithëve shumë krenar dhe ajo ende e bën një gjë të tillë. Ajo kurrë nuk provoi të bëhet si të tjerët, ishte gjithmonë vetja. Ajo ishte një person i këndshëm, lidere, mësuese. E vishte një bluzë me mëngë të shkurta të bardhë, pantallona të zinj, xhaketë xhinsi, “Converse” të bardha dhe një këmishë e lidhte në bel, përderisa i mbante flokët e drejta. Ky ishte stili i saj. Ajo gjithmonë kishte ritëm edhe si fëmijë. Ajo i jepte përqafimet dhe puthjet më të mira. Ajo kisthe buzë të buta e të bukura, si babai i saj. Ajo më përqafonte aq fortë sa unë e ndieja dashurinë e saj për mua dhe e dashuroja mënyrën se si më shikonte. Ne e duam njëra-tjetrën shumë. Më mungon aq shumë”.

“Ajo ishte shumë energjetike. Nuk mund të qëndroja në një hap me energjinë e saj. Më mungojnë puthjet e saj të ëmbla dhe mençuria e saj dhe më mungon ajo buzëqeshja e adhurueshme e saj me buzën e mbajtur në një kënd në një anë dhe qëshja që vinte pastaj. Gigi ishte dielli im. Ajo ma ndriçonte ditën çdo ditë. Më mungon ta shoh atë fytyrë të bukur”.

“Ajo ishte gjithmonë shumë e mirë, një ndjekëse e rregullave. Unë e dija se mund të llogarisja në të për ta bërë gjënë e duhur. Ajo ishte vajza më e dashur, motra më e kujdesshme dhe shakatare. Ajo shpeshherë na ndihmonte me dy vajzat e vogla, Biankan dhe Caprin. Biankas i pëlqente shumë të shkonte të luante me Gigin. Unë i thosha Gigit se KoKo e konsideronte atë motrën e preferuar. Capri buzëqeshte vesh më vesh kur Gigi hynte në një dhomë dhe Capri ma kujton shumë Giannan. Ato duken si njëra-tjetra dhe buzëqeshin me tërë fytyrën e tyre”.

“Ne nuk do ta shohim Gigin të shkojë në shkollë të mesme me Natalian dhe nuk mund ta pyesim se si i shkoi dita. Ne nuk patëm mundësi ta mësojmë atë si të vozisë. Nuk do të mund t’i tregoj se sa e bukur duket në ditën e martesës. Nuk do ta shoh kurrë vajzën time të vogël të ecë drejt altarit, të vallëzojë me babanë e vet në dasmë, të vallëzoj me mua dhe t’i ketë fëmijët e vet. Gianna do të ishte bërë një nënë e mrekullueshme. Ajo ka qenë shumë amënore që kur ishte e vogël”.

“Gigi me siguri se do të ishte bërë lojtarja më e mirë në histori të ËNBA. Ajo do ta kisha bërë një ndryshim të madh për basketbollin e grave. Gigi ishte e motivuar ta ndryshojë mënyrën se si të tjerët i shikonin gratë në sport. Ajo shkruante ese në shkollë duke i mbrojtur gratë dhe shkruante se si dallimet në paga për NBA dhe ËNBA nuk ishin të drejta. Dhe unë me të vërtetë mendoj se ajo e ka bërë një ndryshim të madh për lojtarët e ËNBA tani, sepse ato e dinin se qëllimi i Gigit ishte që një ditë të luante në ËNBA”.

“Jam ende shumë krenare për Giannan dhe ajo ishte shumë e mirë me të gjithë njerëzit që i takoi gjatë 13 vjetëve sa ishte në Tokë. Shoqëria e saj e klasës kanë ndarë shumë kujtime të këndshme me ne dhe këto histori na e kanë kujtuar se si Gianna ia dëshmonte të gjithëve se asnjë gjest mirësie nuk ishte shumë i vogël për të bërë ndryshim në jetën e dikujt”.

“Ajo ishte gjithmonë shumë, shumë e kujdesshme për të tjerët dhe ndjenjat e tyre. Ajo ishte një vajzë dhe motër e bukur, e mirë, e lumtur, e kujdesshme, e dashur dhe qesharake. Ajo ishte plot jetë dhe kishte shumëçka tjetër për t’i dhënë botës. Nuk mund ta imagjinoj botën time pa të. Nëna, Natalia, Bianka, Capri dhe babai të duan shumë Gigi. Do të më mungojnë kartolinat e tua të ëmbla që i bëje vetë, puthjet e tua të ëmbla dhe buzëqeshja jotë e bukur. Më mungon çdo ditë, të dua”.


Arsenal synon mesfushorin e Atleticos

0

Arsenali ka shprehur interesim për mesfushorin e Atletico Madridit, Thomas Partey.

 

Pas përformancave të mira me ‘Los Colchoneros’ këtë sezon, mesfushori ka ngjallur interesimin e ‘Topçinjëve’ të cilën janë të gatshëm të nënshkruajnë me lojtarin.

Sipas asaj që raportojnë mediet angleze, Arsenali është i gatshëm të paguajë deri në 50 milionë euro në arkat e ish-kampionit spanjoll, transmeton lajmi.net.

Marrë parasysh problemet e mëdha në mesfushë, Mikel Arteta e ka pikëtuar pikërisht lojtarin i cili shihet si ideali për skemat e tij.

Futbollisti ka kontratë me madrilienët deri në vitin 2023, por një ofertë tunduese nga Londra mund të ndryshojë gjithçka për fatin e ganezit.

Gjatë këtij sezoni, 26-vjeçari ka arritur të shënojë dy gola në 23 ndeshje të tij në La Liga. /Lajmi.net/ 

 


Milan merr vendim për të ardhmen e Ibrahimovic

0

Zlatan Ibrahimoviç mund të mbetet në San Siro edhe nëse Milani nuk kualifikohet në Champions League vitin e ardhshëm.

Milan thuhet se po punon për zgjatje të marrëveshjes aktuale gjashtëmujore, e cila përfshinte një mundësi automatike rinovimi në rast të kualifikimit për garën më prestigjioze të Evropës.

Por një raport nga Tuttosport pretendon se ish-futbollisti i kombëtares suedeze mund të jetë i hapur për të nënshkruar një marrëveshje të re me kuqezinjtë, përcjell ORAinfo.

Milani aktualisht është nëntë pikë pas Atalantës së vendit të katërt dhe drejtorët Paolo Maldini dhe Zvonimir Boban do të duhet të ulen me 38-vjeçarin për të gjetur një marrëveshje që ai të qëndrojë në San Siro.

Ndërkohë, Calciomercato raporton se Simon Kjaer është afër për ta bërë lëvizjen e tij të qëndrueshme këtë verë.

Lojtari danez mbërriti në huazim nga Sevilla këtë dimër dhe tashmë është vendosur në mbrojtjen e Milanit.

Lojtari mund të nënshkruajë për 2.5 milionë euro, pasi raporti pretendon se Milani janë të kënaqur me kontributin e tij deri më tani dhe janë të gatshëm ta mbajnë ish mbrojtësin e Atalanta në Giuseppe Meazza. /ORAinfo/


Nga problemet te titujt, rrëfehet: Anjeli: Pep na pëlqen, por kemi Sarrin e CR7-ën. Mesi shkon te Napoli

0

Nga Juve-Inter me dyer të mbyllura e deri te rivali Konte që edhe pse te zikaltrit “mbetet Juventus”. Nga kafet me Alegrin, te darkat me Sarrin, tek i cili ka besim të plotë e që do ta konfirmojë edhe për sezonin tjetër. Andrea Anjeli ka shumë ide, madje edhe nga ato që lidhen me Guardiolën, e me vetë Ronaldon, themel i rritjes së mëtejshme të Juves. Numri 1 i bardhezinjve i ka me pikatore fjalët dhe fakti që vendos të flasë për më shumë se një orë, e në një moment shumë delikat për Italinë, nuk e bën banal. Në emisionin radiofonik “Tutti Convocati”, Anjeli u rrëfye në 365 gradë lidhur me ato që pret të ndodhin në pjesën e mbetur të sezonit.

andrea-anjeli

KONTE E TË TJERËT – Sido që ta kthesh, sfida Juventus-Inter është e nxehtë për shumë arsye e në shumë kuptime. Anjeli merr menjëherë fjalën dhe shpjegon:

“Përse nuk menduam të rimarrim? Sepse ne mendojmë për ata që duam dhe këtë herë donim Sarrin. Konte do të jetë gjithmonë një flamur juventin, sepse Konte është Juventusi. Me të kam një raport respekti dhe pa tensione. Si profesionist që është, zgjodhi sfidën zikaltër dhe do të synojë të rikthejë Interin te suksesi”.

Anjeli-konte

“Mua personalisht më entuziazmon ky duel me Zhangun”. Konte i përket të shkuarës ashtu si Alegri, raporti me të cilin për Anjelin është më shumë se miqësor. “Jo më larg se një javë më parë piva një kafe me Masimilianon. Vlerësimi dhe miqësia me të nuk janë cenuar nga largimi i tij prej Juves. Fakti që zgjodhëm Sarrin është diçka krejt tjetër dhe ka qenë një zgjedhje e bërë në grup nga kryesia e klubit”, shpjegoi presidenti juventin.

sarri-agnelli-paratici-nedved

SARRI E… PEP – Tashmë në Torino është një tjetër “profet” ndaj të cilit gjithkush ka diçka për të thënë. Mauricio Sarri e ka lënë të kënaqur Anjelin me këtë të fundit që zbulon: “Përveç rrëshqitjes në Supërkupën e Italisë, muajt e parë të Sarrit në timonin e ekipit kanë qenë të shkëlqyera. Gjithçka kemi lidhur me të është brenda pritshmërive tona ndaj edhe kritikat nuk më duken me shumë vend. Nuk ka të bëjë fare me sponsorë, sepse ata janë të gjithë juventinë e si të tillë u intereson rezultati dhe jo bukuria. Kryesia zgjodhi Mauricion sepse modeli i tij na bind se mund të na sigurojë fitoren përfundimtare”. Nga zgjedhja e trajnerit, te darka me trajnerin hapi është i vogël dhe Anjeli nuk kursen as batuta kur thotë: “Më duhet të falënderoj presidentin e Fiorentinës, Komison, sepse falë sulmeve të tij edhe Sarri e ka kuptuar se çfarë do të thotë të stërvitësh Juventusin. Në darkën e konsumuar para disa ditësh folëm edhe për një horizont të ri brenda një ose dy vitesh. I kemi idetë e qarta dhe duam të hapim një cikël si dy pararendësit. Unë e vlerësoj një sezon vetëm në përfundim të tij, edhe sepse të mendosh të shpallesh kampion që në shkurt, nuk është diçka fort e zgjuar. Statistikat flasin qartë e ne nuk mund të fitojmë gjithmonë, por cilësia e ideve nuk mund të vihet në diskutim”. Meqë u përmendën idetë, Anjeli u pyet edhe nëse ka pasur ndonjë ide të Juves të lidhej me afrimin e Pep Guardiolës. “Në vija të përgjithshme të mos mendosh për Pepin, është një herezi, por në këtë moment ai është më i lumtur gjetkë. Edhe nëse do të jetë i lirë në verë, ne nuk do të ndërhyjmë pasi tashmë jemi të lumtur për Sarrin”, ishte përgjigjja e numrit 1 bardhezi.

trofeu champions

CHAMPIONS E TITULL – Me ende tre trofe në lojë, “Zonja e Vjetër” nuk kërkon t’i vendosë asnjë kufi vetes. Nuk do të ishte në stilin bardhezi, ndaj sipas Anjelit: “Duhet pasur shumë respekt për Lionin, por me gjithë respektin jemi të vetëdijshëm se cilët jemi. Sa më shumë kalojnë ditët, aq më të rëndësishme janë ndeshjet. Fitorja në Champions nuk është një detyrim, por një objektiv. Në Itali, Interi duke marrë Konten i ka vënë detyrë vetes të fitojë, ndërsa Lacio mund të jetë e rrezikshme sepse nuk ka presion. Bardhekaltrit do të jenë rreziku i madh nëse mbërrijnë në prill me të njëjtën renditje. I njoh vëllezërit Inzagi prej 30 vjetësh e nuk po e zbuloj tani cilësinë e Simones. Neve na ka munduar Kielini, por kemi një organikë cilësore e nuk duhet të ankohemi. As për VAR-in nuk do të ankohem kurrë, më pëlqente e vazhdoj të jem në favor të teknologjisë për sa kohë na ndihmon të zvogëlojmë mundësinë e gabimit”.

ronaldo anjeli

RONALDO – E pashmangshme ishte edhe pyetja për Ronaldon. Idhulli i popullit juventin është edhe ai i presidentit që deklaroi: “Me Kristianon nuk kemi ndryshuar mënyrën e të bërit biznes. Juventusi gjithmonë ka afruar yje që nga Platini e deri te Zidani. Efektin e Kristianos e shohim në fushë në çdo ndeshje, teksa jashtë saj e ka rritur njohurinë e emrit të klubit. Mbase në të ardhmen mund të afrojmë një tjetër Ronaldo, por gjithçka është në dorë të Fabios (Paratiçi) pasi ia kemi besuar atij arkat”. Përveç Ronaldos, te Juvja mund të zbarkojë edhe Mesi. Mundësitë janë ende të panjohura, por Anjeli siguron: “De Laurentis (presidenti i Napolit) i ka telefonuar dhe Leo i ka thënë se do të shkojë te Napoli. Nëse argjentinasi vjen në një ekip italian, do të përfitonte e gjithë Seria A. Interi dhe Juventusi nuk janë të kufizuara nga kampionati në të cilin luajnë, përkundrazi, në vitet e fundit Seria A ka treguar rritje në shumë aspekte siç e dëshmon edhe fakti se çdo fundjavë ka ndeshje të rëndësisë së lartë”.

Përgatiti: REINOLD BAKALLI


“Magjistarja” serbe shëron Arapin, do të jetë gati për Kukësin

0

Renato Arapi jep shenja rikthimi. Kapiteni pritet që të jetë në fushë ndaj Kukësit, pasi terapia që po kryen në Serbi ka dhënë rezultat të shpejtë. Gjendja e mbrojtësit është përmirësuar ndjeshëm pas disa seancash terapi, aq sa nesër mund edhe t’i bashkohet grupit në stërvitje. Dhe nëse gjithçka shkon sipas planeve, ai të shtunën do të jetë një forcë më shumë për formacionin e Edi Martinit. 

pjimage3

Lojtari pas një mungese të gjatë, gjeti derman te “magjistarja” serbe, sikundër njihet ndryshe edhe fizioterapistja Marijana Kovaçeviç. Kujtojmë se ai kishte pësuar tërheqje realisht të rëndë, prej afro 10 centimetrash dhe më në fund po rikuperohet. Nuk është vetëm ky lajmi i mirë para javës së 24-t, pasi grupit do i shtohet edhe Albano Aleksi. Duket se mesfushori që shpesh është adaptuar edhe në mbrojtje e ka kaluar gripin dhe pritet në fushë ndaj verilindorëve. Një rikthim i rëndësishëm është edhe ai i Lorenco Vilës. Lojtari ka ezauruar pezullimin prej të verdhëve, ndaj mund ta llogarisim si titullar këtë të shtunë.

Martini-Teuta-e1576506342842

PËRGATITJET – Pas 24 orësh pushim, Teuta rinis përgatitjet antiKukës. Nën drejtimin e trajnerit Edi Martini, ekipi zhvilloi dje të parën seancë për këtë javë. Lojtarët zbarkuan në orën 15:00 në ambientet e kompleksit sportiv “Olympic Park” dhe zhvilluan një stërvitje mes relaksit dhe ritmit. Grupi u nda në dysh. Ata që luajtën kundër Skënderbeut kryen vrapime rreth fushës dhe disa ushtrime shkrydhëse nën survejimin e zv.trajnerit Bledar Hodo dhe më pas kryen edhe terapi apo ushtime në pishinë për t’u rigjeneruar më shpejt nga ngarkesat që la ndeshja e fundit.

Për pjesën tjetër nuk pati “mëshirë”. Ngarkesat nuk u kursyen dhe pas nxemjes së zakonshme, zhvilluan edhe disa lojëra të ndryshme me top. Në fund, nuk mungoi loja me portat në gjysmëfushë, ndërsa u pa qartë se vëmendja iu dha sulmit. Objektivi i durrsakëve tashmë është zhbllokimi i Idelino Kolubali Gomes, ndaj edhe çdo top shkonte drejt tij. Teuta duket e motivuar para këtij 90-minutëshi. “Djemtë e detit” e shikojnë si një ndeshje të radhës, edhe pse përballë kanë një skuadër shumë cilësore. Trajneri u ka kërkuar lojtarëve që të mos luajnë me frikë dhe të jenë sa më të qetë në fushë, pasi vetëm në këtë mënyrë do të dalin me pikë të plota. Në të njëjtën kohë është munduar që t’i bindë se në këtë kampionat nuk ka të fortë dhe të dobët, ndaj ata duhet të tregojnë vlerat e tyre dhe të luajnë me zemër që të rikthehen te fitoret.

ZAMIR QYPI


Pesë ndeshje luhen pa tifozë në Serie A, përfshirë derbin e zjarrtë Juventus – Inter

0

 

Pas lejimit të zhvillimit të ndeshjes Inter- Ludogorets pa praninë e tifozëve ditën e enjte, kampionati italian i futbollit lejon zhvillimin e 5 sfidave të kësaj jave të Serisë A me dyer të mbyllura.

Juventus-Inter, Milan-Genoa, Parma-SPAL, Sassuolo-Brescia dhe Udinese-Fiorentina do të zhvillohen pa tifozë në stadiumet respektive.

  

Kjo për të shmangur përhapjen e Koronavirusit. Ky virus deri tani ka infektuar 229 persona dhe u ka marrë jetën 7 të tjerëve në Itali.

Në fundjavë, kampionati italian ndaloi zhvillimin e 4 takimeve të Serisë A.

  

Sidoqoftë, përkundër se do të zhvillohet në Itali, takimi Napoli – Barcelona do të luhet me stadium të mbushur.

  
 


Formacionet e mundshme: Chelsea – Bayern Munich

0

 

Sot do të zhvillohen dy ndeshje tjera në kuadër të 1/8-ës së finales së Ligës së Kampionëve.

Gjiganti anglez Chelsea, do ta presë në shtëpi gjigantin gjerman, Bayern Munich, për përballjen e parë për një vend në çerekfinale.

  

Të dyja skuadrat do të fillojnë ndeshjen me formacionet më të mira, por Frank Lampard do te këtë një mungesë të madhe në mesfushë, pasi që Kante nuk do të jetë i gatshëm të paraqitet në ndeshjen e parë në këtë raund.

Formacionet e mundshme:

  

Chelsea (3-4-2-1): Caballero, Azpilicueta, Christensen, Rudiger, James, Jorginho, Kovacic, Alonso, Barkley, Mount, Giroud.

Bayern (4-3-2-1): Neuer, Pavard, Hernandez, Alaba, Davies, Kimmich, Thiago, Coman, Muller, Gnabry, Lewandoëski.

  

Kujtojmë që ndeshja mes këtyre dy skuadrave starton nga ora 21:00.

 


Formacionet e mundshme: Napoli – Barcelona

0

 

Sonte do të zhvillohen dy ndeshje tjera në kuadër të 1/16 të Ligës së Kampionëve.

Napoli do ta presë në shtëpi skuadrën e Barcelonës, një ndeshje kjo e cila pritet të jetë shumë e vështirë për skuadrën vendase, duke parë edhe formën në të cilën është duke kaluar Barça.

  

Ani pse Federata Italiane ka marrë vendim që shumica e ndeshjeve këtë javë në Itali të luhen me dyer të mbyllura, për shkak të koronavirusit, të njëjtin fat nuk do ta ketë edhe ndeshjes mes Napolit dhe Barcelonës, pasi që qyteti i Napolit ende nuk është prekur nga ky virus.

Më poshtë mund t’i shihni formacionet e mundshme të të dyja skuadrave.

  

Napoli (4-3-3): Ospina, Di Lorenzo, Manolas, Maksimovic, Ruiz, Ruiz, Rui, Demme, Zielinski, Politano, Milik, Insigne.

Barcelona (4-3-3): Ter Stegen, Semedo, Pique, Lenglet, Firpo, De Jong, Busquets, Rakitic, Fati, Griezmann, Messi.

  

Ndeshja mes këtyre dy skuadrave starton nga ora 21:00.