Home Sporti Vendor Llapi transferon sulmuesin nga Shqipëria, arrihet marrëveshje një vjeçare mes palëve

Llapi transferon sulmuesin nga Shqipëria, arrihet marrëveshje një vjeçare mes palëve

0
Llapi transferon sulmuesin nga Shqipëria, arrihet marrëveshje një vjeçare mes palëve

Skuadra e Llapit ka transferuar një tjetër lojtar, kësaj radhe duke përforcuar fazën e repartit të sulmit.

Është Sebino Plaku ai që ka arritur marrëveshje një vjeçare me skuadrën nga Podujeva.

Plaku është 34 vjeçar dhe me përvojën e tij pritet t’i ndihmojë jashtëzakonisht shumë skuadrës së Batatinës.

Më poshtë lajmi.net ua përcjell njoftimin e plotë të KF Llapi për transferimin e fundit.

Podujevë, 15 qershor 2019 – Llapi ka arritur të siguroj shërbimet e njërit ndër sulmuesit më të mirë dhe më me përvojë në Shqipëri, i cili ka edhe karrierë ndërkombëtare, Sebino Plaku do jetë risia e radhës në klubin tonë për edicionin e ri 2019/20. Sebino ka firmosur kontratë 1 vjeçare me Llapin.

Sebino Plaku, 34 vjeç, i lindur më 20.05.1985 në Tiranë. Pozita e tij që luan është qendërsulmues. Pozitat tjera ku mund të luaj Sebino janë edhe sulmues i dytë apo edhe sulmues i krahut të majtë. Ka një karrierë shumë të ndritshme. Ai ka luajtur për shumë skuadra në Shqipëri dhe disa të tjera edhe jashtë vendit. Së pari Sebino ka luajtur për Partizanin e Shqipërisë. Ai ka pasur paraqitje shumë të mira tek Apolonia e Fierit ku ka realizuar 21 gola, tek Dinamo Tiranë(27 gola), Skënderbeu (13 gola), Kamza(13 gola) etj. Vazhdojmë…. /Lajmi.net/


Loading…