President i Barcelonës, Joan Laporta, foli mëngjesin e sotëm, pak orë pasi ekipi i tij u shpall kampione e La Ligës. Ai foli për rinovimin e trajnerit Ksavi, për sherrin në fund të ndeshjes, si dhe për yllin argjentinas, Lionel Mesi.
Triumfi në La Liga: “Ne duam më shumë, duam që të jetë fillimi i një faze të gjatë me trofe. Lojtarët, Ksavi, stafi, punëtorët e klubit, anëtarët e tjerë të bordit dhe unë do të vazhdojmë të punojmë për të pasur një ekip më konkurrues”.
Rinovimi i Ksavit: “Nuk do të ketë asnjë problem. Ai është një njeri i klubit dhe i kupton në mënyrë të përkryer rrethanat dhe meriton mirënjohjen e klubit. Ksavi e kishte të qartë se donte të bëhej trajner i Barçës, ndoshta më shumë se unë”.
Sherri në derbi: “Reagimi i lojtarëve dhe stafit është normal. Gjithmonë është festuar kështu. Në përgjithësi publiku ishte korrekt. Është një incident i izoluar.”
Mesi: “Leo është ende në Paris, po kalon situata jo të këndshme. Nuk do të doja ta shqetësoja tani. Ne do të përpiqemi të përmirësojmë ekipin në të gjitha linjat. Kam folur me Mesin, ne e kemi rikuperuar marrëdhënien.
Mesi e do Barçën, ai ndjen se ky klub është shtëpia e tij. Po Arabia? Barça është Barça. Në Arabi ata po bëjnë një punë të mirë, po investojnë, por unë insistoj, Barça është shtëpia e tij”.
PANORAMASPORT.AL
