Gazeta Sportal

Chelsea ka dështuar në dy ndeshjet e para të këtij sezoni.

Skuadra e Chelsea nuk ka arritur të marrë më shumë se një barazim 1:1 ndaj Leicester Cityt në ‘Stamford Bridge’, në ndeshjen e vlefshme për xhiron e dytë.

Ndeshja nisi mirë për Chelsean, që në minutën e 7’ kaloi në epërsi me talentin Mason Mount.

Leicester City barazoi rezultatin në pjesën e dytë, kur shënoi Wilfred Ndidi.

Kjo është ndeshja e dytë në Premierligë që Chelsea nuk gjen fitoren, pas humbjes 4:0 nga Manchester United në ndeshjen e parë.

Në xhiron e ardhshme, Chelsea udhëton për t’u takuar me Norwich.

Edhe ndeshja e dytë në Premier Ligë për këto dy skuadra ka përfunduar
pa fitore.

Ishte Chelsea ajo që shënoi e para në minutën e 7′ ku goli u
shënua nga Mount,  pjesa e parë përfundoi
me rezultatin minimal për Chelsean por këtë epërsi nuk arriti ta mbajë edhe në
pjesën e dytë sepse në minutën e 67′ Ndidi arriti të shënoj gol për
Leicesterin, shkruan Indeksonline.

Chelsea e dominoi pothuajse tërë ndeshjen dhe kishte disa
raste mjaftë të mira por që nuk arritën të shënojnë.

Ndeshjen e parë për këtë sezonë në Premier Ligë, Chelsea e
kishte humbur kundër Manchester United, ndërsa Leicesteri kishte mbetur pa gola
kundër Wolves./Indeksonline/.

Mario Balotelli edhe zyrtarisht është rikthyer në Serie A.

Ish sulmuesi i disa skuadrave të mëdha të Evropës, ka vendosur të rikthehet në Serie A, për t’iu bashkuar Brescia.

“Mario  Balotelli është një lojtar i Brescias”, thuhet në njoftimin e skuadrës së rikthyer në Serie A, përcjell lajmi.net.

29 vjeçari ka qenë lojtar i lirë pas largimit nga Marseille. Ai po ashtu kërkohej edhe nga brazilianët e Flamengo, por në fund ka vendosur të rikthehet në atdhe./Lajmi.net/

Trajneri i Manchester Cityt, Pep Guardiola ka pasur një diskutim të nxehtë me Sergio Agueron pas zëvendësimit të argjentinasit në barazimin 2-2 kundër Tottenham Hotspur.

Dyshja u panë duke bërë një përplasje verbale pasi sulmuesi argjentinas nuk e priti mirë largimin nga Guardiola në minutën e 65-të.

Në vend të Agueros, Guardiola inkuadroi Gabriel Jesusin, i cili shënoi një gol në shtesë, por që u anulua pas rishikimit të VAR-it.

Pas këtij zëvendësimi, golashënuesi më i mirë në histori të Cityt dukej i frustruar dhe i bëri të njohura ndjenjat e tij ndaj Guardiolës, i cili nga ana tjetër ia ktheu njëjtë.

Megjithatë, trajneri i Cityt e ka shpjeguar situatën e sikletshme me Agueron duke e cilësuar si keqkuptim.

“Ishte një keqkuptim. Sergio ishte i mërzitur sepse mendoi se e fajësova për barazimin e tyre të dytë”, ka thënë fillimisht Guardiola.

“Emocionet ishin të larta. Ne luajtëm vërtet mirë, kontrolluam lojën majtas dhe djathtas dhe krijuam shanse kundër një skuadre të mirë, por duhet të jemi më klinikë”.

“Tottenham krijoi dy shanse dhe asgjë tjetër, por fatkeqësisht për ne ata i shënuan të dy”.

“Presioni dhe kontrolli ynë ishte fantastik, por ne nuk mundëm ta fitonim ndeshjen. Njerëzit do të thonë se duhet të bëjmë më mirë, por unë nuk e di si mundemi më mirë”, përfundoi katalunasi.

AC Milan tani janë të gatshëm të ofrojnë një kontratë të re dhe të përmirësuar për anësorin Suso, raporton Tuttosport.

Spanjolli ka qenë i lidhur me një largim nga klubi pasi besohej se kuqezinjtë ishin të gatshëm ta linin lojtarin në mënyrë që të ekuilibronin librat përpara sezonit të ardhshëm, përcjell ORAinfo.

Sidoqoftë, përsa i përket zhvillimit të ri, klubi me qendër në Milano tani është gati të ofrojë Suso një kontratë të re e cila do të zgjasë qëndrimin e tij në San Siro deri në 2024.

Në atë kontratë, 25-vjeçari, i cili është bashkuar me klubin italian në vitin 2015, do të fitojë 3,5 milionë euro në sezon./ORAinfo/

Trepça ’89 e ka fituar ndeshjen 4 -1 kundër Gjilanit.

Golat për Trepçën i shenuan Muja, Manaj dhe Emini në penalti,
por kjo nuk ishte penaltia e vetme në ndeshje sepse u bë një edhe në favorë të
Gjilanit të cilën arriti ta realizoj Busic në minutën e 75′./Indeksonline/.

Drita ka humbur ndeshjen me rezulatatin minimal 0-1 kundër
Ferizajit.

Në minutat shtesë Filonit Shaqiri  arriti të shënoj gol për Ferizajin, gol ky që
edhe i siguroi tri pikët kësaj skuadre, shkruan Indeksonline.

Drita po ashtu kishte mbetur me një lojtarë më pak në minutën e 85′ pasi që Gilberto u përjashtua nga loja për shkak të një gjesti jo-sportiv.

Kishte mjaftë presion nga skuadra e Dritës mirëpo nuk arritën ti konkretizojnë rastet e tyre./Indeksonline/.

Janë zhvilluar tri ndeshjet e mbetura të xhiros së parë në Superligën e Kosovës.

Trepça ’89 në stadiumin ‘Riza Lushta’ ka mposhtur me rezultat të thellë, 4:1 Gjilanin, për një fillim të jashtëzakonshëm të kampionatit.

Befasia e madhe është shkaktuar në Gjilan, ku Drita është mposhtur nga Ferizaj, 0-1.

Ishte Filonit Shaqiri, që debutoi me gol te Ferizaj, duke ndëshkuar ish skuadrën e tij, Dritën.

Ndeshja tjetër mes Dukagjinit dhe Ballkanit, ka përfunduar barazim, 0-0./Lajmi.net/

Mbrojtësi i Milanit, Diego Laxalt ka disa oferta në tryezë nga Fenerbahce, Fiorentina dhe Parma.

Uruguaiani nuk është pjesë e planeve të trajnerit të ri Marco Giampaolo, megjithë kuqezinjtë paguan 14 milion euro për ta marrë atë nga Xhenova vetëm një vit më parë, përcjell ORAinfo.

Agjenti i tij Ariel Krasouski konfirmoi për Milannews.it se një takim ishte planifikuar për të martën pasdite në selinë e klubit.

Sipas raporteve të fundit, ekzistojnë tre propozime kryesore që kanë hyrë për 26-vjeçarin.

Fiorentina dhe Parma do ta mbanin atë brenda Serisë A, ku Laxalt ka luajtur që nga viti 2013 për Interin, Bologna, Empoli, Genova dhe Milano./ORAinfo/