COPPA ITALIA
Milan – Bologna Milani dhe Bologna javën e kaluar zhvilluan një “paradhënie” të finales së Kupës së Italisë, një ndeshje kampionati që Milani e shfrytëzoi për të dërguar një mesazh të fortë. Gjigantët e Lombardisë fituan bindshëm ndaj Bolognës dhe do të synojnë ta përsërisin këtë sukses në finalen e kupës këtë të mërkurë. “Stadio Olimpico” në Romë do të presë këtë takim, i cili është kyç për të dyja skuadrat. Duke hyrë në përballjen e tretë mes tyre për këtë sezon, parashikimet e vendosin Milanin si favorit. Për shkak të vështirësive të dukshme në Serie A, Milani i ka përqendruar më shumë përpjekjet në garat e kupave. Ata tashmë kanë fituar Superkupën italiane, pas fitores ndaj rivalëve të Interit në janar, por triumfi në këtë kupë do të kishte edhe më shumë rëndësi pasi do të siguronte pjesëmarrjen në Ligën e Europës. Ndërsa Milani po kërkon të fitojë Kupën e Italisë për herë të gjashtë, Bologna synon trofeun e tretë.
PARASHIKIMI: Milani fiton trofeun 52%
LA LIGA
Villarreal – Leganes Gara për një vend në Ligën e Kampioneve dhe lufta për mbijetesë do të jenë në qendër të vëmendjes kur Villarreal të presë Leganes në La Liga këtë të mërkurë. Në javën e 36-të, Villarreal, që ndodhet në vendin e pestë, synon tri pikë ndaj skuadrës që mban vendin e 18-të. Villarreal ka luajtur për herë të fundit në Ligën e Kampioneve tri vite më parë, por tani është vetëm dy fitore larg një rikthimi. Spanja ka në dispozicion pesë vende për edicionin e ardhshëm, gjë që i shkon përshtat. Me tri pikë më shumë se Betisi i vendit të gjashtë, fati i tyre është në duart e veta. “Nëndetësja e Verdhë” është në formë të shkëlqyer në momentin e duhur dhe vjen në këtë ndeshje pas tri fitoreve radhazi në kampionat. E fundit ishte një fitore 1-0 në fushën e Gironës. Leganes shënoi e para në ndeshjen e parë mes tyre këtë sezon, por më pas u mposht 5-2, një takim që e përfundoi me nëntë lojtarë. Një tjetër humbje të mërkurën do të ishte një goditje e madhe për “Los Pepineros”.
PARASHIKIMI: Fiton Villareal 57%
Alaves – Valencia Në këtë pikë të sezonit, Valencia duhet të jetë e kënaqur me pozicionin që mban, por në fakt mund të synojë edhe pjesëmarrjen në garat evropiane. Duke qenë në vendin e 10-të pas 35 javësh, ata udhëtojnë drejt fushës së Alaves, që renditet në vendin e 17-të dhe po lufton për mbijetesë. Mungesa e golave po bëhet shqetësuese për Alaves në një moment shumë të rëndësishëm të sezonit. “Los Babazorros” kanë dështuar të shënojnë në katër nga pesë ndeshjet e fundit. Për më tepër, kanë realizuar vetëm një gol në katër ndeshjet e fundit në shtëpi në kampionat. Valencia e nisi sezonin me vështirësi dhe është përballur me probleme gjatë pjesës më të madhe të kampionatit. Por në fund të sezonit, kanë treguar përmirësim dhe janë një nga skuadrat me formën më të mirë në prag të javës së 36-të.
PARASHIKIMI: Fiton Valencia
Real Madrid – Mallorca Ky do të mbetet një sezon shumë i dobët për Real Madridin, por ata ende mund ta mbyllin me një paraqitje dinjitoze. “Los Blancos”, që ndodhen në vendin e dytë, do të presin Mallorcën e vendit të nëntë në javën e 36-të të La Ligës. Kampionët në fuqi të Spanjës, Real Madrid, për momentin mund vetëm të shtyjnë festën e titullit për Barcelonën. Kjo vjen pas humbjes 4- 3 ndaj Barçës në “El Clasico”-n e fundit të së dielës. Kjo humbje i la “Los Blancos” shtatë pikë prapa rivalëve katalanas, në një sezon ku i vetmi trofe që mund të tregojnë është Superkupa e Europës. Një sezon për t’u harruar ka sjellë tashmë ndryshime të mëdha në skuadër, me Carlo Ancelottin që pritet të largohet.
PARASHIKIMI: Fiton Real Madridi
PANORAMASPORT.AL
