Real Madrid pritet të bëjë shumë ndryshime në verë, ku do të ketë disa afrime, por sigurisht edhe largime të shumta. “Defensa Central” zbulon se Florentino Perez ka vendosur që tani për 3 largimet e para në verë: Fran Garcia, Dani Ceballos dhe David Alaba.
Për mbrojtësin e majtë spanjoll, kontrata e të cilit skadon në verën e vitit 2027, ky është sezoni i fundit me fanellën e Real Madridin. Destinacioni i ri për 26-vjeçarin me shumë mundësi do të jetë Bournemouth, për një vlerë 15-20 milionë euro.
Përsa i përket Ceballos, edhe kontrata e tij skadon në vitin 2027. E ardhmja e mesfushorit pritet të jetë në La Liga, me shumë mundësi te Betis.
David Alaba është një rast ndryshe nga dy të parët, pasi austriakut i skadon kontrata në këtë qershor dhe do të largohet si lojtar i lirë. Destinacioni i ri sipas të gjitha gjasave do të jetë në MLS.
