PSG i ka shitur një pakicë të aksioneve fondit amerikan Arctos, pas njoftimit të Nasser Al-Khelaifi disa muaj më parë se ai dëshironte të gjente blerës dhe bashkëpunime ndërkombëtare. Katar Sports Investments (QSI) njoftoi këtë partneritet të ri me Arctos, i cili nuk do të ndikojë në çështjet sportive të klubit apo fuqinë vendimmarrëse mbi PSG.
Fondi amerikan do të marrë 12.5% të klubit për një kontribut prej 531 milionë euro. Me këtë kuotë, vlera e përgjithshme që i është dhënë kompanisë PSG është 4.25 miliardë euro.
“Ky partneritet do të formojë bazën e fazës së ardhshme të rritjes globale të PSG-së dhe do të drejtojë sukseset futbollistike dhe komerciale të klubit”, shpjegon klubi parisien. Fondi i investimeve QSI bleu PSG-në në vitin 2011 nga pronari i mëparshëm Colony Capital, me klubin që vlerësohej në 70 milionë euro në atë kohë.
Arctos Partners, me seli në Dallas, u themelua në vitin 2019 dhe ka interesa në disa organizata sportive profesionale në mbarë botën si MLB (Major League Baseball), NBA (North American Basketball League), MLS (Major League Soccer), NHL (la North American Ice Hockey League), Formula 1 dhe disa ekipe futbolli në Evropë.
PANORAMASPORT.AL
