Bajerni siguroi një fitore 2-0 në shtëpi kundër Freiburg në ditën e dytë të ndeshjes në Bundesligë.
Lojtari i ndeshjes ishte padyshim njeriu “rekord” Tomas Myler, i cili festoi me vetë fansat e tij pas ndeshjes. Myler siguroi vendin e tij në librat e historisë disa kohë më parë. 34-vjeçari kurorëzoi karrierën e tij të jashtëzakonshme me paraqitjen kundër Freiburg. Futbollisti 34-vjeçar hyri si zëvendësues në minutën e 58- të dhe u bë lojtari i ri rekordmen i gjigantëve nga Mynihu. Bavarezi ka luajtur 710 ndeshje për Bajernin, më shumë sesa kushdo tjetër në historinë e klubit.
REAGIMI – “Jam i lumtur për golin”. Pas ndeshjes, Myler dhe skuadra festuan me tifozët. Pak kohë më vonë, ultrasit sollën sulmuesin në gardh dhe e nderuan atë për arritjen e tij të re. Vetë sulmuesi ishte relativisht i qetë: “Rekordi nuk është aq i rëndësishëm për mua. Nuk më intereson nëse janë 710, 712 apo 325 ndeshje”, shpjegoi ai pas lojës në një intervistë me “DAZN”. Ai ishte mjaft i emocionuar me golin e tij për t’i dërguar shifrat 2-0: “Jam më i lumtur për golin. Kjo ishte teknikisht e shkëlqyer”, e mbylli Tomas Myler.
PANORAMASPORT.AL
