Trepça ’89 ka shfrytëzuar rezultatet befasuese të xhiros së 21-të në Ligën e Parë për ta rrëmbyer pozitën e parë në tabelë.
Skuadra e drejtuar nga Gani Sejdiu, të hënën fitoi në ndeshjen e fundit të kësaj xhiroje pasi në udhëtim mposhti Tefik Çangën.
Ndeshja e luajtur në Ferizaj, përfundoi me rezultatin 1:0 për Trepçën ’89, falë golit të shënuar nga Albin Kapra në minutat e fundit të takimit.
Me këtë fitore, Trepça ’89 prinë në tabelë me 45 pikë të mbledhura, një më shumë se Vushtrria e Dinamo që ndajnë pozitat dy dhe tre.
Për Trepçën ’89, kjo është fitorja e tretë në po aq ndeshje të luajtura në stinorin pranveror të Ligës së Parë.
Teilen:
