Herën e fundit që Daniele Rugani festonte një gol në Serinë A ishte më 3 mars 2021 dhe si për ironi të fatit e realizonte me bluzën e Kaljarit (ndaj Bolonjës), aty ku Juventusi e kishte huazuar.
Nga ajo periudhë kishin kaluar plot 983 ditë, por Daniele Rugani duket se ka fatin me vete, pasi në çdo sezon që duket sikur ai duhet të lërë “Zonjën e Vjetër” vjen një moment ku dëmtimet e rikthejnë protagonist dhe një gol apo edhe paraqitjet bindëse e bëjnë që të kalojë nga ai lojtari me valixhe në duar te rinovimi. “Po, e kemi bërë një bisedë të shkurtër me Juven në ditët e fundit dhe dëshira ime është që të qëndroj këtu.
Madje, mund të them se do ta gjejmë me patjetër një akord në çdo formë, pasi unë ndihem shumë mirë kështu. Goli? Më mungonte pa dyshim, por fakti që ndihmoi Juven për të fituar vlen më shumë dhe është bukur që t’i jepja tri pikët ndaj Kaljarit. Tani të vazhdojmë kështu dhe të mbajmë fort këmbët në tokë, në pritje të Interit”, deklaroi mbrojtësi Rugani.
PANORAMASPORT.AL
