Portieri i Përfaqësueses së Kosovës, Samir Ujkani ka vendosur t’i japë fund karrierës në moshën 35-vjeçare.
Kapiteni i “Dardanëve”, i cili ka pasur një karrierë të bujshme, vendimin e ka bërë publik sot përmes një postimi në rrjetet sociale.
Ujkani gjatë karrierës së tij si futbollist ishte pjesë e disa klubeve, kryesisht atyre italiane në Serie A.
Përveç tyre, Ujkani ka qenë pjesë e Kombëtares së Shqipërisë duke regjistruar 20 paraqitje e më pas edhe te Kosova për 35 ndeshje.
Ujkani do të mbahet në mend si një nga futbollistët e parë që i tha “Po” Kosovës pas pranimit në UEFA dhe FIFA.
Ai e nisi karrierën si senior në vitin 2007 në skuadrën e Palermos, derisa gjatë karrierës luajti edhe në Novara, Chievo, Genoa, Latina, Pisa, Cremonese, Çaykur Rizespor, Torino dhe së fundi Empoli./Lajmi.net/