Futbollisti i ri nga Brazili, Felipe Diogo është vrarë me dhjetë plumba, raportojnë mediat e huaja, përcjell lajmi.net.
21-vjeçari është vrarë në Sao Paulo Ribeirao Preto, provincën ku lindi dhe u rrit.
Felipe Diogo u dërgua në spital, por mjekët mundën vetëm të konstatonin vdekjen e tij.
Nuk dihen motivet e këtij krimi të rëndë, ndërsa mediat nga Brazili shkruajnë se atentati është kryer nga “sulmues të armatosur misterioz”.
Ata e dinin saktësisht rrugën e Diogos dhe e prisnin në rrugën që të çonte në shtëpinë e tij.
Klubi Sao Bernardo, i cili garon në Serinë C dhe për të cilin ka luajtur Felipe Diogo, i ka dhënë lamtumirën e fundit futbollistit të ri me një mesazh prekës.
“Klubi i futbollit Sao Bernardo mori me keqardhje të madhe lajmin për vdekjen e sportistit tonë Felipe Diogo Bernardes Ferreira. Zoti ngushëlloftë zemrat e familjes së tij në këtë moment pikëllimi të thellë”, shkruhet në faqen e Instagramit të klubit brazilian./Lajmi.net/
🚔 Asesinado de diez tiros un futbolista brasileño de 21 años
🇧🇷 Felipe Diogo jugaba como delantero y militaba en el São Bernardo, de la Serie C de Brasil. Se desconocen las causas del asesinato. https://t.co/h9a6QoxOkV— Diario AS (@diarioas) November 2, 2023
