Qeveria e Kolumbisë ka njoftuar se babai i futbollistit të Liverpulit, Luis Diaz është rrëmbyer nga një grup militant i quajtur National Liberation Army (ELN).
Kërkimi për babin e sulmuesit, Luis Manuel Diaz po vazhdon, teksa angazhimi për gjetjen e tij është maksimal.
Ai së bashku me nënën e futbollistit, u rrëmbyen javën e kaluar, por kjo e fundit u lëshua disa orë më pas.
Qeveria kolumbiane është aktualisht në bisedime për paqe me ELN, pasi konflikti mes palëve ka filluar gati 60 vjet më parë.
Përfaqësuesi i qeverisë kolumbiane, Oti Patino tha se zbulimi se grupi qëndronte pas rrëmbimit doli gjatë negociatave.
Policia ka bërë tashmë një arrestim për rastin, duke besuar se ka ndaluar njeriun përgjegjës për gjurmimin e çiftit dhe informimin e grupit për vendndodhjen e tyre. Autoritetet kanë ofruar një shpërblim prej 200 milionë peso për informacion në lidhje me rrëmbimin pasi kishin frikë se fajtorët do të përpiqeshin të kontrabandonin Luis Manuelin në Venezuelë.
PANORAMASPORT.AL