UEFA dhe Groupe Amaury, pronar i kompanive mediatike France Football dhe L’Équipe, kanë njoftuar sot një partneritet për të bashkëorganizuar Topin e Artë.
Ceremonia e Topit të Artë dhe e çmimeve tjera, UEFA dhe France Football do t’i ndajnë nga viti i ardhshëm, ka njoftuar shtëpia e futbollit evropian, shkruan lajmi.net.
“Nga viti 2024, UEFA do të bashkëorganizojë Topin e Artë – ceremoninë më prestigjioze të çmimeve në futboll, duke nderuar lojtarët më të mirë të sportit tonë së bashku me Groupe Amaury”.
“Ne gjithashtu do të prezantojmë një çmim të ri Topi i Artë për trajnerin e vitit për meshkuj dhe femra”, thuhet në njoftimin e UEFA-s
✨ @ballondor x UEFA ✨
🤝 From 2024, we will co-organise the most prestigious award ceremony in football, honouring the finest players of our sport alongside Groupe Amaury.
We will also introduce a new #ballondor award for Men’s and Women’s Coach of the Year.
More: ⬇️
— UEFA (@UEFA) November 3, 2023
Prezantuar çdo vit nga France Football që nga viti 1956, Topi i Artë është çmimi më prestigjioz që një futbollist mund të marrë në njohjen e arritjeve të jashtëzakonshme dhe talentit të jashtëzakonshëm.
Këtë vit, ditë më parë, çmimin e Topit të Artë e fitoi ylli argjentinas, Lionel Messi për herë të tetë në karrierë./Lajmi.net/
