Matias Soule është një nga surprizat e këtij sezoni në Serie A. 20-vjeçari italo-argjentinas u huazua nga Juventusi te Frosinone, dhe po bën mjaft mirë me skuadrën e rikthyer në elitën e futbollit italian.
Sulmuesi i djathtë numëron 5 gola dhe një asist me Frosinonen. Performancat pozitive nuk i kanë shpëtuar syrit të Luciano Spallettit, i cili është gati ta bëjë pjesë të kombëtares së kaltër.
Por Soule, i cili shpreson të vijojë me performancat fantastike te Frosinone për t’u rikthyer sezonin e ardhshëm te Juventusi, ndërkohë që preferon Argjentinën, vendlindjen e tij.
“Kam biseduar me Spallettin, i thashë të vërtetën, që ndihesha argjentinas.
E falënderova sepse më donte tek Italia. Më pas fola edhe me Ëalter Samuel (pjesë e stafit teknik të kampionëve të botës).
Ai më tha se isha pjesë e listës paraprake. Unë jam duke pritur Argjentinën, nuk e di nëse do të arrijë ftesa tani apo më vonë, por unë jam argjentinas. Kam lindur atje dhe zemra ime më thotë gjithmonë Argjentinë”, u shpreh Matias Soule.
