Paris Saint-Germain fitoi pa problem në shtëpi me rezultatin 3-0 ndaj Montpellier.
Një sukses që i lejoi të besuarit e trajnerit Luis Enrique të rikthehen në krye të klasifikimit, në pritje të ndeshjes së Nice.
Tekniku spanjoll u shpreh i lumtur nga performanca e të tijve teksa theksoi se po mundohet që loja e parizienëve të ketë një identitet ndërsa Enrique nuk kurseu edhe komplimentat për skuadrën kundërshtare.
“Mendoj se po kërkojmë në çdo ndeshje që të marrim rezultatin më të mirë të mundshëm dhe të fitojmë sipas mënyrës sonë, më pëlqen shumë kjo.
Është diçka pozitive dhe unë dua që skuadra të përmirësohet edhe më shumë, të përpiqemi të jemi sa më efikas të mundshëm.
Dua t’i bëj komplimente edhe kundërshtarëve pasi mendoj se kanë qenë skuadra më e bukur që ka vizituar Parc Des Princes së fundmi. Kanë lojtarë me kualitet dhe ishte e vështirë të gjeje hapësira.
Përfituam sepse shënuam në mundësinë e parë dhe më pas ishim të relaksuar”, u shpreh Luis Enrique.
