Ballafaqimi mes Feronikelit 74 dhe Malishevës mbyllet pa gola (0:0) në stadiumin “Rexhep Rexhepi” në Drenas.
Një pikë e madhe për Malishevën në kuadër të javës së 13-të të elitës së futbollit të Kosovës.
Malisheva shkaktoi penallti në fund të pjesës së parë ku pengohet Lapidar Lladrovci.
Në minutën e 45+5, Jakup Berisha dështon nga penalltia, goditjen e tij e pret portieri Flamur Gashi.
Në minutën e 33-të, Malisheva me fat, futbollisti Jakup Berisha godet fortë me të majtën e tij nga afërsia por traversa ia mohoi golin.
Portieri Flamur Gashi është trim i ndeshjes, përveç që e priti penalltinë, ka pritur edhe disa raste të mira të vendasve.
Malisheva renditet në vend të katërt me 17 pikë e Feronikeli në të tetin me 12 sosh.
Teilen:
