Ylli i madh i futbollit botëror, Lionel Messi do të luajë për Inter Miami pas përfundimit të sezonit, pasi klubi MLS njoftoi një ndeshje miqësore për nder të fitimit të tij të fundit të “Topit të Artë”.
Legjenda e Argjentinës festoi të hënën një “Top të Artë” të tetë mahnitës pas bëmave të tij për Paris Saint-Germain dhe ekipin kombëtar. Klubi i tij aktual Inter Miami zbuloi të premten, se ata do të luajnë një tjetër ekip të Konferencës Lindore, New York City, në një “mbrëmje plot festime” më 10 nëntor.
Vendimi për të nderuar Messin do të thotë se tifozët e Inter Miami do të mund ta shohin 36-vjeçarin në veprim, gjë që dukej e dyshimtë në fillim të kësaj jave.
Klubi i David Beckham u detyrua të tërhiqej nga turneu i tyre në Kinë të mërkurën, për shkak të “çështjeve tregtare dhe burokratike” të dukshme, me vendin në kalendar të mbushur tani me “natën e Artë” të ardhshme.
Që kur u transferua te Inter Miami në korrik, Leo Messi ka shënuar 11 gola dhe tetë asistime në 14 ndeshje në të gjitha garat, duke përfunduar i dyti në renditjen e debutuesve të vitit në MLS, pavarësisht se luajti vetëm gjysmën e sezonit.
