Mungon prej një kohë të gjatë, ish-ylli i Real Madridit mund të luajë sërish për kombëtaren e Spanjës

Ish-mesfushori i Real Madridit, Isko Alarkon mund të rikthehet të luajë për kombëtaren e Spanjës. Ky lajm është bërë i ditur nga media spanjolle AS.

Trajneri Luis de la Fuente mund ta thërrasë Iskon, lojtarin që tani luan për Real Betisin për ndeshjet e javës së ardhshme kundër Qipros dhe Gjeorgjisë, të vlefshme për kualifikueset e Euro2024. 

Ndër të tjera media ka folur edhe për ish-kapitenin e Realit, Serxhio Ramos duke thënë se ai nuk do të thirret pasi de la Fuente ka plane të tjera sa i përket repartit të mbrojtjes.

PANORAMASPORT.AL