Milani përballet me PSG sot në Ligën e Kampioneve në një sfidë e cila është vendimtare për fatin e kualifikimit të mëtejshëm të të dy skuadrave.
Kuqezinjtë janë në fundin e grupit me vetëm 2 pikë dhe nuk u lejohet një hap i gabuar, pasi përndryshe vazhdimësia në fazën tjetër do të ishte thuajse e pamundur. Kuqezinjtë do të luajnë në këtë sfidë të vëmendshëm në prapavijë, me Kalabria e Teo Hernandez nga krahët, ndërsa Tomori e Çau në qendër.
Kjo pasi përballë do të jenë emra të frikshëm si Mbape, Kolo-Muani e Dembele, të cilët do të vënë në vështirësi vazhdimisht prapavijën kuqezi.
LIVE MILAN-PSG 2-1
12′ Leao, 50′ Zhiru / 9′ Skrinjar
NGJARJET KRYESORE
85’ Okafor i afrohet menjëherë golit me një gjuajtje nga e majta, Donaruma shpëton parisienët nga goli i radhës. (VIDEO)
85’ Kruniç dhe Okafor hyjnë në fushë në vend të Musah dhe Leao në radhët e Milanit.
80’ Leao merr topin dhe niset në kundërsulm të shpejtë, duke detyruar Skrinjar të ndërhyjë në mënyrë të gabuar, me mbrojtësin e PSG-së që ndëshkohet me karton të verdhë. (VIDEO)
73’ Luhet në gjysmëfushën e Milanit, me lojtarët e PSG-së që kërkojnë pa sukses të gjejnë hapësira në zonë për të vënë në provë Menja.
69’ Mbape merr fundoren nga e majta dhe gjuan nga një pozicion i pamundur, Menja bën detyrën dhe devijon në këndore.
65’ Lukas Hernandez i lë vendin në fushë Mukiele në radhët e PSG-së.
63’ Teo Hernandez i afrohet golit të tretë me një goditje dënimi ballore, Donaruma fluturon dhe devijon sferën jashtë katërkëndorit. (VIDEO)
60’ Fabian Ruiz, Gonçalo Ramos dhe Li hyjnë në fushë në radhët e PSG në vend të Vitinja, Ugarte dhe Kolo-Muani.
57’ Mungon reagimi i PSG-së në këto minuta pas golit, me Milanin e vendosur mirë mbrapa që nuk lë asnjë hapësirë për Mbape.
50′ GOOOL MILANI! Teo Hernandez nga e majta lëshon një harkim perfekt për Zhiru i cili me kokë mposht Donarumën. (VIDEO)
49’ Reijnders kombinon me Zhiru dhe hyn në zonën e kuqezinjve, gjuajtja e tij nuk gjen portën. (VIDEO)
46’ Nis pjesa e dytë, asnjë ndryshim në radhët e dy skuadrave
45’ Mbyllet 1-1 pjesa e parë e ndeshjes.
45’ Vitinja nga jashtë zonës lëshon një gjuajtje që kontrollohet pa vështirësi nga Menja.
44’ Hakimi nga e djathta provon përsëri diagonalen drejt shtyllës së dytë, topi përfundon jashtë.
42’ Dembele vë në provë Menja me një gjuajtje me të majtën, portieri nuk ka probleme të kontrollojë tentativën e tij.
40’ Pulisiç nga e djathta niset me shpejtësi dhe pas kontrollit para Lukas Hernandez gjuan drejt portës, pa shënjestrën për të çuar topin në katërkëndor.
37’ Rafael Leao provon përsëri portën nga pozicioni i zakonshëm në të majtën, këtë herë duke ccuar sferën drejt shtyllës së parë por pa gjetur katërkëndorin. (VIDEO)
36’ Dembele mundohet të nisë një kundërsulm nga e djathta, Teo Hernandez e ndal në mënyrë mjeshtërore pa iu afruar zonës.
32’ Milani ka një mundësi të mirë të rrezikojë me goditje dënimi, Tomori tenton portën por ndalet nga Donaruma. (VIDEO)
27’ Kundërsulm i rrufeshëm i Milanit nga ana tjetër me Zhiru i cili nga e majta gjuan, por gjen vetëm rrjetën e jashtme të katërkëndorit të Donarumës. (VIDEO)
26’ Fati shpëton kuqezinjtë pasi Dembele lëshon një gjuajtje nga jashtë zonës që ndalet nga traversa. (VIDEO)
24’ Mbape i shmanget përsëri pozicionit jashtë loje dhe shfaqet para Menja, por gjuan jashtë nga një pozicion i favorshëm. (VIDEO)
19’ Hakimi shfaqet në krahun e djathtë, diagonalja e tij nuk gjen rrjetën në shtyllën e dytë. (VIDEO)
16’ Top në thellësi për Mbape i cili nuk kontrollon pra Menja dhe sheh portierin teksa mbërthen sferën. (VIDEO)
12′ GOOOL MILAN! Zhiru nga e majta lëshon një gjuajtje të fortë që grushtohet nga Donaruma, sfera kthehet te Leao i cili me roveshatë çon topin në rrjetë. (VIDEO)
11’ Kalabria nga e djathta pason për Musah i cili gjuan, duke çuar topin në duart e Donarumës. (VIDEO)
9’ GOOOL PSG! Pas një goditje nga këndi është Skinjar i cili me kokë mposht Menja. (VIDEO)
8’ Dembele jep një pasim të saktë për Mbape i cili gjuan përsëri ne qendër të portës kur pret Menja. (VIDEO)
6’ Shkëndija e parë e ndeshjes vjen me Leaon i cili nga e majta gjen hapësirën për të pasuar për Loftus-Çik, por ky i fundit gjuan dhe çon sferën mbi traversë. (VIDEO)
3’ Leao përgjigjet nga ana tjetër me një gjuajtje nga distanca, topin ndalet në duart e Donarumës.
2’ Mbape provon nga e majta të hyjë në zonë, por sfera kalon vijën fundore.
1’ Nis dueli në “San Siro”.
FORMACIONET ZYRTARE
PANORAMASPORT.AL
