Mançester Junajtedi u largua me turp nga Kopenhageni. “Djajtë e kuq” e nisën ndeshjen në mënyrën më të mirë të mundshme, teksa shënuan 2 herë me Hojlund në minutën e 3-të dhe 28-të, ndërkohë që pas daljes me të kuq të Rashford, në minutën e 42-të, vendasit përmbysën shifrat në 4-3.
Heroi i mbrëmjes që tronditi “djajtë” ishte padyshim 17-vjeçari Runi Bardghji i cili në minutën e 87-të, shënoi golin e fitores. Adoleshenti i lindur në Kuvajt, me shtetësi suedeze, arriti të shndërrohej në yllin e mbrëmjes, duke rrëmbyer kështu skenën europiane.
🚨GOAL | Kobenhavn 4-3 Manchester United | Roony Bardghji
Follow our partner page @ocontextsoccer pic.twitter.com/5hPrZAKzkK
— VAR Tático (@vartatico) November 8, 2023
Ky ishte goli i parë për të në grupet e Champions-it, ndërkohë që në kampionatin danez, këtë sezon ka arritur të shënojë 7 gola në 14 ndeshje.
Edhe pse vetëm 17-vjeç, sulmuesi Bardghji po rezulton vendimtar me golat e tij. Talenti kuvajtjan, pritet të ketë një të ardhme të suksesshme me këto ritme. Një fakt interesant është se ai me golin e realizuar mbrëmjen e sotme në Champions, u bë lojtari me moshën më të re që i shënon Mançester Junajtid në këtë kompeticion.
PANORAMASPORT.AL
