Klubi i Realit i ka dhënë provat se është një skuadër e cila ka si fokus transferimin e lojtarëve më të mirë dhe këtë detaj do ta imponojë edhe mbi yjet e Bajernit. Pas thashethemeve rreth Dejvisit, Musiala ka hyrë në “radarët” e “galaktikëve”.
Prestigjiozja gjermane “Bild” pohon se Florentino Perez i ka idetë e qarta për fazën ofensive në verën e vitit 2024, nëse nuk vjen Mbape, Musiala do të mbushë hapësirat e numrit “7”. Në letër për Realin e pamundura nuk ekziston, por rezistenca e bavarezëve s’mbetet pas.
Vështirë të hamendësohet se Uli Hënes, si një person me mjaft influencë në Mynih, t’i japë “dritën e gjelbër” operacionit, e ku Xhamal konsiderohet si e ardhmja e Bajernit.
PANORAMASPORT.AL
