Drejtori sportiv i Dritës, Valon Zymberi, ka konfirmuar se bordi drejtues i gjilanasve nuk po e mendon shkarkimin e trajnerit Akis Vavalis.
Drita vjen nga një ecuri jo e mirë e rezultateve në xhirot e fundit, duke pësuar dy humbje radhazi dhe duke arkëtuar vetëm një barazim.
Përkundër kësaj, te Drita janë të qetë sa i përket të ardhmes së trajnerit grek.
Siç ka thënë Zymberi, te Drita nuk po mendojnë asgjë tjetër, përveç rikthimit te rezultatet pozitive.
“Normal që nuk jemi të kënaqur me rezultatet por duhet të vazhdojmë. Nuk e kemi pritur këtë ecuri. Kemi pritur të rikthehemi me fitore nga loja kundër Ballkanit. Që nga dita e parë kur është emëruar trajneri Akis Vavalis është kritikuar në opinion. Nga ajo ditë është kjo tendencë. Nuk jemi duke menduar asgjë tjetër, përveç rikthimit në ecurinë pozitive” – tha drejtori sportiv i Dritës, Valon Zymberi për lajmi.net.
Drita ka 22 pikë në pozitën e dytë, shtatë më pak se Ballkani lider./Lajmi.net/
