Skuadra e Palestinës filloi sot ciklin kualifikues për Kampionatin Botëror të vitit 2026.
Duke marrë parasysh ngjarjet në Rripin e Gazës, ku po zhvillohet konflikti i armatosur mes palestinezëve të Hamasit dhe izraelitëve, është e sigurt se futbollistët e kësaj kombëtareje nuk e kanë pasur të lehtë të dalin në fushë dhe të luajnë një ndeshje.
Megjithatë, ata i hapën kualifikueset në mënyrë të mirë duke barazuar 0:0 jashtë vendit ndaj Libanit.
Në këtë grup, Australia është favorit absolut dhe Bangladeshi është autsajder, ndaj është e qartë se Palestina dhe Libani do të vendosin për vendin e dytë dhe kalimin në fazën tjetër të kualifikimit.
Sigurisht që sytë e botës u kthyen drejt kësaj ndeshjeje për shkak të ngjarjeve të njohura.
Përfaqësuesit e Palestinës dolën në fushë me “Arafatkas”, shallet e famshme bardhezi palestineze të bëra të famshme nga Yasser Arafat, ish-lideri politik i palestinezëve.
Përkundër të gjitha fatkeqësive që prekën bashkëkombasit e tyre në Rripin e Gazës, ata dolën në fushë me dëshirën për të luajtur një ndeshje të guximshme, e cila sipas mediave ndërkombëtare ishte e dukshme në fytyrat e tyre gjatë gjithë lojës./Lajmi.net/
