Kombëtarja shqiptare e futbollit e ka siguruar edhe matematikisht pjesëmarrjen në Kampionatin Evropian, që mbahet në Gjermani vitin e ardhshëm.
Shqipëria barazoi 1:1 në udhëtim te Moldavia, pikë e cila mjaftoi të sigurojnë biletën për kualifikimin në “Euro 2024”.
Kuqezinjtë e drejtuar nga përzgjedhësi brazilian, Sylvinho kanë mundësi të përfundojnë kampanjën kualifikuese në vendin e parë në grup.
Shqipërisë do t’i mjaftojë vetëm një pikë ndaj Ishujve Faroe, tri ditë më vonë, në Tiranë, për të siguruan pjesëmarrjen në Evropian nga vendi i parë në Grupin E.
Kjo për shkak të barazimit të Polonisë dhe Çekisë 1:1 të premten mbrëma (sot) në Varshavë.
Shqipëria është e para me 14 pikë, dy më shumë se Çekia dhe tri më shumë se Polonia e treta./Lajmi.net/
