Përfaqësuesja U19 e Kosovës arriti ditë më parë të kualifikohet në “Elite Round”, për kualifikimet e Kampionatit Evropian 2024.
Djelmoshat e udhëhequr nga përzgjedhësi Adil Maliqi, tubuan pesë pikë dhe përfunduan në vendin e dytë në grup, pozitë e cila i siguroi plasmanin tutje.
Përzgjedhësi Adil Maliqi në një prononcim për lajmi.net vlerësoi lart futbollistët e U19-shave të Kosovës.
“Potencial ka shumë tek djemtë. Nuk dua të flasë me emra. Këta djem janë në procesin e tyre. Unë mundem me thënë se ata kanë potencial dhe janë rritur në akademi të mira në Evropë dhe Kosovë. Është çështje kohe kur këta të arrijnë në ekipet e para në skuadrat e tyre. Si të hyjnë aty kanë minutazhë dhe është shumë i vlefshëm edhe për Përfaqësuesen A” – tha Maliqi për lajmi.net.
Ai po ashtu ka treguar se cilët kundërshtarë do t’i preferonte në grup.
Maliqi po ashtu ka theksuar se kjo kombëtare ka shumë lojtarë me potencial të lartë.
Prononcimin e plotë të realizuar nga lajmi.net mund ta shikoni në videon e mëposhtme/Lajmi.net/
