Anglia do të kapërcejë përsëri në vendin e tretë në renditjen botërore të FIFA-s muajin e ardhshëm, pavarësisht barazimit në ndeshjen e fundit kualifikuese të “Euro 2024”, në Maqedoninë e Veriut.
Skuadra e Garet Sauthgejtit do të rikthehet në shkallën më të lartë të renditjes, që kur ky klasifikim u prezantua nga FIFA në vitin 1992.
Anglia ishte e katërta, por kaloi mbi Brazilin, i cili zbriti në vendin e pestë, pasi humbi dy kualifikueset e fundit të Botërorit 2026, kundër Kolumbisë dhe Argjentinës. Kampionët e botës ruajnë vendin e parë përpara Francës, por Anglia është tani 45 pikë larg “les bleus” dhe 10 më shumë larg Argjentinës.
Sauthgejt synoi publikisht vendin e parë në renditje pak ditë më parë. Trajneri i “tre luanëve” trashëgoi një skuadër që renditej e 12-ta në 2016-ën, por Anglia ka qenë gjithnjë në “top 6” që nga Kupa e Botës 2018, ku mbërriti deri në gjysmëfinale.
PANORAMASPORT.AL
