Sot do të zhvillohen dy ndeshje në Superligën e Kosovës në futboll.
Vëmendja kryesore do të jetë në derbin Prishtina – Drita, shkruan lajmi.net.
Skuadra nga kryeqyteti nuk njeh për fitore në tri ndeshjet e fundit, me dy barazime e një humbje, por edhe Drita ka pasur rezultate të përziera.
Skuadra nga Gjilani në tri ndeshjet e fundit ka një fitore e dy humbje.
Ndeshjen e fundit ndërmjet këtyre dy skuadrave e ka fituar Drita me rezultat 3:0.
Përballja e dytë që zhvillohet sot është ajo ndërmjet Gjilanit dhe Llapit.
Llapi gjendet në vendin e tretë në tabelën e Superligës me 25 pikë të grumbulluara deri më tani.
Nga ana tjetër Gjilani renditet në vendin e shtatë me vetëm 14 pikë.
Të dyja ndeshjet zhvillohen me fillim nga ora 13:00. /Lajmi.net/
