Dy ndeshje janë të parapara për t’u zhvilluar sot në Superligën e Kosovës, në kuadër të javës së 15-të.
Prishtina do të jetë nikoqire e Dritës, me ndeshjen që do të zhvillohet në Hajvali.
Kryeqytetasit nuk dinë për fitore në tri ndeshjet e fundit, ku kanë regjistruar një humbje e dy barazime.
Në anën tjetër, “Intelektualët” do të hyjnë në këtë ndeshje pas fitores ndaj Fushë Kosovës.
Prishtina është e pesta në tabelë me 18 pikë, kurse Drita e dyta me 25.
Përballja tjetër për ditën e sotme është ajo mes Gjilanit dhe Llapit.
Gjilanasit në xhiron paraprake regjistruan humbje, kurse llapjanët arkëtuan pikë të plota.
Gjilani është renditet i shtati në tabelë me 14 pikë. Llapi është i treti me 25 sosh.
Të dy ndeshjet janë të parapara të luhen nga ora 13:00.
Kujtojmë se kjo javë u hap të premten me fitoren e Ballkanit ndaj Malishevës, teksa ndeshjet e ditës së djeshme; Fushë Kosova – Dukagjini dhe Feronikeli ’74 – Liria nuk u zhvilluan shkaku i kushteve atmosferike.
