Sulmuesi portugez Joao Felix, ka thënë se është i lumtur me golin e shënuar dhe fitoren e Barcelonës ndaj Portos.
Katalonasit pas fitores ndaj skuadrës portugeze, tashmë janë kualifikuar në fazën e 16-të të Ligës së Kampionëve.
Portugezi, i cili po kalon formë mjaft të mirë në sezonin e tij të parë në fanellën e “Blaugranave”, thotë se tek Barç përgjegjësia është më e madh se në skuadrat tjera.
“Tek Barça përgjegjësia është më e madhe se kudo. Nuk mjafton të fitosh, duhet të luash mirë dhe kjo do të thotë më shumë presion që ne e marrim me kënaqësi”, ka thënë Felix.
“Ishte një gol i rëndësishëm për ekipin. Na duhej kjo fitore për t’u kualifikuar”.
“Jam i lumtur që kam qenë në gjendje të ndihmoj ekipin. Gjëja e rëndësishme është të ndihmoj ekipin përtej golave”, ka theksuar reprezentuesi portugez.
