“Gardiani” kamerunas i portës, Andre Onana i kushtoi shumë “Djajve të Kuq” të Manchester United, teksa bëri 2 gabime fatale, duke i “dhuruar” turqve të Galatasaray, 2 gola, falë të cilave siguruan një pikë me shumë vlera, në garën për kualifikimin më tej, në UEFA Champions League.
Për performancën katastrofike të Onana, disa “kritika” i bëri edhe “legjenda” e mbrojtjes së Liverpool, Jamie Carragher, i cili thekson se as një lojtar i skuadrës së të rinjve nuk gabon si 27-vjeçari kamerunas, i cili po vuan në aventurën në “Old Trafford”.
“Ten Hag duhet të jetë i shqetësuar për të ardhmen. As një portier i skuadrës U18 nuk mund të gabojë si Onana në rastin e golit të dytë të Galatasaray. Nëse një portier i të rinjve do të kalonte tek United dhe do të luante si Onana, me shumë mundësi ai nuk do ta shihte më kurrë skuadrën e parë”,- u shpreh ish-mbrojtësi i Liverpool. /i.m /abcnews.al
