Distria Krasniqi, Nora Gjakova, Akil Gjakova dhe Dardan Cena janë xhudistët që do ta përfaqësojnë Kosovën në Kampionatin Evropian të xhudos Prishtina 2023.
Krasniqi, Nora dhe Akil Gjakova dhe Cena do të ndeshen për herë të parë në Evropianin që mbahet në shtëpinë e tyre në Kosovë.
Kampionati i Hapur Evropian i Xhudos do të mbahet më 16 dhjetor të këtij viti në Pallatin e Rinisë dhe Sporteve në Prishtinë.
“Distria, Nora, Akili e Dardani do të ndeshën për herë të parë në Kampionat Evropian në shtëpinë e tyre, në Kosovë! Ejani dhe përjetoni nga afër emocionet dhe adrenalinën e sportit tonë më të dashur dhe më të suksesshëm, xhudos”, ka njoftuar federata e xhudos e Kosovës.
Kampionati i Hapur Evropian i Xhudos, “European Championships Open”, organizohet në kuadër të programit shtetëror, “Kosova, shtet i xhudos” nga Federata e Xhudos e Kosovës, dhe mbështetet nga Ministria e Kulturës, Rinisë dhe Sportit dhe Federatës Evropiane të Xhudos.
