Lautaro Martinez gjeti rrugën e rrjetës në “San Siro”, teksa shënoi golin e katërt në triumfin 4-0 ndaj Udinezes. Në prononcimin e dhënë pas ndeshjes për mikrofonin e “DAZN”, ylli argjentinas foli edhe për rinovimin e mundshëm, teksa u shpreh:
“Më kishte munguar shumë goli në “San Siro”, jam përpjekur në çdo ndeshje, por gjëja e rëndësishme është fitorja e Interit. Mora topin në kundërsulm, pashë hapësirën për të gjuajtur dhe shënova. Për mua ishte e rëndësishme.
Sa gola mund të shënoni këtë vit? Nuk e di, shpresoj shumë, e rëndësishme është t’u jap gjithmonë dorën shokëve të mi. Jam i lumtur sepse këtë vit po shënoj shumë, edhe falë shokëve të mi. Ajo që ka më shumë rëndësi janë 3 pikët, për të vazhduar rrugëtimin tonë. Ky klub duhet të synojë të fitojë tituj.
Nën pemën e Krishtlindjes do të gjeni rinovimin? Shpresoj sa më shpejt, nuk e di a do të vijë deri në Krishtlindje, por nuk do të kalojë shumë kohë”, deklaroi Lautaro Martinez.
PANORAMASPORT.AL
