Serie A ka një pretendente të paparashikuar për një vend në Serinë A.
Thiago Motta ka bërë mrekulli duke ngjitur hap pas hapi skuadrën e Bolonjës mes skuadrave që kërkojnë një biletë për turneun më prestigjioz për klube në kontinent.
Fitorja e sotme me shifrat 2-1 ndaj Salernitanës, bëri që klubi i cili në vitet e kaluara ishte ngjitur gradualisht në renditje, ta shohë veten përkohësisht në vendin e katërt mbi skuadra si Roma, Napoli, Fiorentina, Atalanta apo Lacio.
Me një Zirkze në superformë, autor i dy golave sot në 20 minutat e parë të ndeshjes, Bolonja është kthyer në një nga surprizat më të këndshme të Serisë A dhe nuk mjaftoi rizgjimi i Salernitanës në pjeën e dytë për ta ndalur.
Goli i Simi ishte vetëm për statistikë pasi Bolonja mori tre pikë shumë të rëndësishme që e bëjnë atë faktor në garën për pozitat e larta në kampionat.
