Fundjava e Serisë A që lamë pas solli shumë emocione dhe rezultate surprizë. Për këtë gjë ka folur dhe ish-sulmuesi i Italisë, Mario Baloteli, i cili në një intervistë për “TvPlay” u ndal te goli i Murielit kundër Milanit, forma e Lautaro Martinezit dhe sulmuesi më i mirë sipas tij.
“Muriel shënoi një gol fenomenal. A më kujton Ronaldo Fenomenin? Po, domethënë teknika bazike dhe lëvizja.
Lautaro? Është shumë i fortë. Kam parë vetëm pak sulmues më të fortë se ai.
Do ta vendosja Lautaron para Levandovskit. Midis Osimhenit dhe Lautaros? Do të ishte fenomenale nëse ata të dy do të ishin në një skuadër.
Sulmuesi më i mirë mes Benzemasë së Realit, Suarezit të Liverpulit dhe Barçës edhe Ibrës së Interit, mendoj se do të zgjidhja Suarezin. Ai ishte vërtet madhështorë.
Cilin version të Ibrës do të zgjidhja mes atij të Juves, Interit apo Milanit? Do të zgjidhja atë të Interit.
Lukaku? Goli i tij në fundjavë ishte mjaft i bukur, madje kishte kurajën që të godiste me kokë. Kartoni i kuq? Ai nuk është lojtar i keq, por ndërhyrja e tij ishte e rëndë, mund t’i thyente këmbën kundërshtarit”, u shpreh Baloteli.
