Mesditën e kësaj të hëne, në Nyon të Zvicrës u hodh shorti përcaktues i raundit të 1/16-ve, të UEFA Champions League, ku fati i buzëqeshi jo pak, “Bavarezëve” të Bayern Munich, të cilët “peshkuan” një ekip, tejet të lehtë në letër, krahasuar me skuadrën e tyre, italianët e Lazio.
Për shortin, një koment të shkurtër e bëri edhe “veterani” i sulmit të gjermanëve, Thomas Muller, i cili për faqen zyrtare të klubit është shprehur se do jetë një sfidë shumë e bukur ndaj italianëve në një stadium, si “Olimpico”.
“Jam entuziast për shortin. Është një qytet emocionues. Lazio si klub është gjithmonë interesant. Kur arrini në raundin e 1/16-ve, keni bërë një punë të mirë. “Olimpico” është një stadium i vjetër dhe i famshëm, do të jetë bukur të përballesh atje”,- u shpreh ish-kampioni i botës me Gjermaninë. /i.m /abcnews.al
