Mesfushori Tijjani Reijnders ka zbuluar sepse zgjodhi të transferohej tek Milani dhe jo tek Barcelona. Holandezi ka folur edhe për objektivat e kuqezinjve duke thënë se duan të vendosin yllin e dytë në fanellë para Interit.
“Duke folur me Piolin, zbulova se klubi më kishte ndjekur gjatë gjithë vitit dhe trajneri e dinte saktësisht se çfarë mund të shtoja në ekip dhe gjithashtu kishte qenë shumë i qartë për rolin tim si mesfushor sulmues. Ai është një trajner me mentalitet sulmues, shumë nga materialet e tij stërvitore fokusohen në zgjidhjet e futbollit dhe si të shpëtosh nga presioni. Ky mentalitet më tërhoqi. Milani është një klub i madh, që synon të dominojë ndeshjet. Roli që Barcelona kishte në mendje për mua ishte më pak i përshtatshëm për karakteristikat e mia. Golat sezonalë? Këtë vit ne kemi një shtysë më shumë: Milani dhe Interi kanë nga 19 tituj kombëtarë dhe ne duam ta vendosim të parët yllin e dytë në fanellën tonë. Për më tepër, klubi është pa dyshim i njohur për sukseset e tij evropiane. Te Milani kërkohet rikthimi i lavdisë.”, deklaroi ai.
PANORAMASPORT.AL