Kaleb Ekuban po kalon një moment të artë në Serinë A. Sulmuesi italo-ganez, ka arritur që të tregohet vendimtar në dy ndeshje radhazi për ekipin e Xhenoas, teksa dha asist në barazimin 1-1 ndaj Juventusit e më pas shënoi golin e fitores 2-1 në transfertë për skuadrën e tij kundër Sasuolos.
Elozhet për futbollistin, i cili në të kaluarën ka veshur edhe fanellën e Partizanit, nuk kanë munguar dhe atyre u shtohen edhe të trajnerit të Xhenoas, Alberto Xhilardino. Ky i fundit, një ish-bomber i njohur në arenën ndërkombëtare me Milanin apo edhe me Italinë, ka vlerësuar Ekuban pas paraqitjes së sotme.
“Ekuban është një djalosh i përulur, ka cilësi të rëndësishme. Bëhet fjalë për një lojtar me potencial të madh, mund të bëhet shkatërrimtar”, theksoi Xhilardino, pas ndeshjes në konferencë për mediat duke u ndalur te paraqitja e sulmuesit.
PANORAMASPORT.AL
