E kanë përqafuar përfundimisht projektin e Interit dhe nuk kanë ndërmend të ndërpresin një marrëdhënie pozitive nga të gjitha këndvështrimet. Ndërkohë që skuadra është në garë në kampionat drejt yllit të dytë, objektivit të shpallur sezonal, jashtë fushës bisedimet e ndryshme mes lojtarëve dhe drejtuesve për rinovimin e kontratave vazhdojnë në mënyrë mjaft të frytshme.
Pa ankth, siç shpjegoi Bepe Marota, sepse praktikisht të gjithë kanë treguar dashuri për fanellën dhe vendosën të vazhdojnë aventurën e tyre me klubin.
Praktikisht do të thotë se i vetmi që mund të zbresë nga anija është Dumfris, kontrata e të cilit do të skadojë në vitin 2025 dhe palët duken ende larg një marrëveshjeje të mundshme. Çka, do të thotë se ai mund ose duhet të shitet në fund të sezonit duke u përpjekur të sjellë sa më shumë para në arkat e klubit.
Probleme të tjera nuk ka: nga Lautaro, rinovimi i të cilit është praktikisht një formalitet, deri te Dimarko, Mkhitarian apo Barela, të gjithë janë gati t’i thonë po Marotës dhe Interit. Prandaj, ballafaqimet lojtarë-klub do të vazhdojnë në javët e ardhshme dhe gradualisht duhet të çojnë në tymin e bardhë.
E gjithë kjo pasi ka lëvizur një pjesë tjetër në merkaton e janarit dhe i ka dhënë gjithashtu ekipit Bjukenanin, njeriun e identifikuar nga Auzilio dhe Baçin për të mbushur boshllëkun që u hap në të djathtë me dëmtimin e Kuadrados.
Në parim, zikaltrit nuk do të shtojnë asgjë tjetër, edhe nëse lamtumira e mundshme e Aleksis Sançezit (destinacioni Arabia) mund ta detyrojë Interin të lëvizë edhe për një sulmues. Por do të jetë një çështje ndryshimesh dhe asgjë më shumë.
BIG-ët – Prandaj, pjesa tjetër e punës do të jetë e gjitha për të konfirmuar një skuadër që me të drejtë konsiderohet të jetë e një niveli të lartë dhe e siguruar.
Dimarko dhe Mkhitarian duhet të jenë më afër rinovimeve, të kombinuara me atë automatike të Darmianit (kontrata e tij ishte një plus një). Më pas do të jetë radha e Nikolo Barelës, skadimi i të cilit është në vitin 2026.
Diskutimi i Lautaro Martinezit ishte pak më i gjatë, gjithsesi shumë i gatshëm për të nënshkruar kontratën e re dhe aspak i tërhequr nga ideja për t’u larguar nga Interi. Objektivi është ruajtja e konkurrencës së një grupi që vetëm pak muaj më parë luajti në një finale të Champions-i.
PANORAMASPORT.AL
