Pochettino konfirmon lëndimin e Lavias

Problemet e lëndimeve të Chelseat vazhdojnë të rriten me mesfushorin Romeo Lavia që pësoi një dëmtim pas vetëm 30 minutash të debutimit të tij kundër Crystal Palace.

Lavia bëri një debutim të shumëpritur si zëvendësues në pjesën e dytë, teksa “Blutë” fituan 2-1 të mërkurën mbrëma.

Megjithëse Lavia luajti rolin e tij në fitore, trajneri Mauricio Pochettino u shpreh i shqetësuar pas ndeshjes spse belgu mund të ketë pësuar një dëmtim.

Sipas DiMarzio, kjo çështje mendohet të përfshijë kofshën e mesfushorit.

“Jam pak i shqetësuar për Romeo Lavia”, u tha Pochettino gazetarëve pas ndeshjes. “Por shpresoj se nuk është një problem i madh”. /Lajmi.net/