Nuk mund të kishte nisje më të mbarë të viti, si për klubin, ashtu edhe për “Legjionarin” e Kombëtares sonë. Myrto Uzuni dhe Granada e tij kanë arritur të rigjejnë më në fund fitoren, në kampionatin spanjoll të futbollit, La Liga, teksa në përballjen e vlefshme për javën e 19-të mundën në shtëpi skuadrën e Cadiz, me rezultatin e pastër, 2 me 0.
Nga një gol në secilën pjesë, fillimisht nga “bomberi” i Kombëtares, Myrto Uzuni, në minutën e 22’-të të sfidës e më tej nga “fantazisti” spanjoll, Bryan Zaragoza në minuën e 70’-të të pjesës së dytë mjaftuan, që djemtë e teknikut Medina, të siguronin 3 pikë “të artë”, në garën për mbijetesë, në La Liga.
Falë këtij 3-pikëshi, tashmë Granada ngjitet në kuotën e 11 pikëve dhe vendoset në vendin e 19-të të tabelës, është vetëm 4 pikë larg sigurimit të mbijetesës, vend, i cili akutalisht mbahet nga skuadra e Cadiz, që deri në këtë pikë të sezonit ka arritur të grumbullojë vetëm 15 pikë, pas 19 javëve të para të kampionatit dhe pozicioniohet në vendin e 17-të. /i.m /abcnews.al
SHIKONI GOLAT:
Goli i Myrto Uzunit, 1-0:
Goli i Bryan Zaragoza, 2-0:
