Ndërsa të gjithë presin hapin vendimtar të Paolo Maldinit për të prezantuar ofertën e grupit arab për të blerë Milanin, nga kuqezinjtë largohet i biri, Daniel. Ky i fundit ka vendosur që t’i bashkohet klubit të një prej personave që njeh më mirë të atin.
Aventura e Maldinit të ri te Empoli nuk shkoi siç priste ai, pasi nuk ia doli që të siguronte një fanellë titullari në këtë ekip ndaj edhe minutazhi në fushë ishte i reduktuar. Kështu, Milani kërkoi një sistemim tjetër për futbollistin e ri, i cili tanimë do të bëhet pjesë e Monzës.
Adriano Galiani, administratori i Monzës, padyshim që i ka dhënë një dorë djaloshit të cilin e ka parë të rritet që fëmijë në vitet kur ishte te Milani. Akordi mes palëve është arritur dhe nesër pritet të kryhen vizitat mjekësore e më pas prezantimi zyrtar i Daniel Maldinit si futbollist i Monzs për pjesën e mbetur të sezonit.
PANORAMASPORT.AL
