Lacio është skuadra e dytë gjysmëfinaliste e Kupës së Italisë. Skuadra e drejtuar nga Mauricio Sarri, ka mundur me rezultatin 1-0 Romën dhe ka siguruar biletën për në katërshen e ekipeve më të mira.
Ashtu siç ndodh shpesh në derbit e kryeqytetit, sfida ka qenë shumë e luftuar dhe e tensionuar, por pa prodhuar shumë raste për shënim nga skuadrat të cilat sidomos në pjesën e parë, thuajse nuk tentuan asnjëherë portën.
Në pjesën e dytë, ishte Lacio që e nisi më mirë me aksione të vrullshme dhe fitoi shpejt penallti pas një faulli të shkaktuar nga debutuesi Huijsen. Zakanji nuk gaboi nga pika e bardhë dhe i dha avantazhin lacialëve, të cilët më pas mbrojtën me kujdes çdo hapësirë dhe siguruan fitoren që i kalon në turin tjetër të aktivitetit.
Sfida u mbyll me një tufë kartonë të kuq për shkak të përplasjeve të lojtarëve me Pedron që la i pari fushën e lojës për Lacion, ndërsa më pas ishte Azmun për Romën, i shoqëruar nga Mançini pas vërshëllimës përfundimtare për protesta ndaj gjyqtarit.
LACIO-ROMA 1-0
51′ (p) Zakanji
GOLI I ZAKANJI (VIDEO)
FORMACIONET ZYRTARE
Lacio (4-3-3): Mandas; Lazari, Patrik, Romanjoli, Marusiç; Guenduzi, Kataldi, Vesino; Felipe Anderson, Kastejanos, Zakanji.
Trajner: M. Sarri
Roma (3-5-2): Rui Patrisio; Kristensen, Mançini, Huijsen; Karsdorp, Kristante, Paredes, Bove, Zalevski; Dibala, Lukaku.
Trajner: Zh. Murinjo
PANORAMASPORT.AL
