Pedri i jep më shumë shpresë Barcelonës, para finales së Superkupës së Spanjës ndaj Realit
Pedri u rikthye në gjysmëfinalen e Superkupës kundër Osasuna.
Mesfushori spanjoll u inkuadrua në fushë në minutën e 61-të, pak çaste pasi Lewandowski shënoi golin e parë të ndeshjes.
Dhe me të, gjithçka ishte më e lehtë, sepse Barça kishte shumë më tepër kontroll të lojës.
Pedri u lëndua më 19 dhjetor në stërvitje. Një lëndim i ri muskulor që e la jashtë ndeshjeve kundër Almería, Las Palmas dhe Barbastro.
Barça i fitoi të tre ndeshjet, por me pak rrjedhshmëri në lojën e tyre.
Xavi e priste Pedrin krahëhapur. Ai e di se mund të jetë kyç në finalen e së dielës kundër Real Madridit dhe se mund të jetë një ndihmë e jashtëzakonshme për këtë pjesë të dytë të sezonit.
