Roma, e cila do të sfidojë Milanin të dielën në mbrëmje në “San Siro” (20:45) për javën e parë të fazës të dytë të kampionatit, do të duhet të bëjë pa Paulo Dibalan.
Argjentinasi po lufton ndaj një tjetër problemi muskulor, por mungesa e tij ndaj kuqezinjve është e sigurt. Megjithatë, përveç numrit 10, do të mungojë edhe një sulmues tjetër. Po flasim për Sardar Azmunin. Iraniani, në fakt është nisur dje për në kontinentin aziatik ku do të marrë pjesë në Kupën e ardhshme të Azisë me kombëtaren e vendit të tij.
Siç shkruan “Corriere dello Sport”, Andrea Beloti do të mbetet alternative e vetme për Lukakun. Lajmi i mirë për Romën vjen nga Diego Jorente dhe Lorenco Pelegrini, të cilët u stërvitën në grup pas problemeve fizike përkatëse që pësuan kundër Atalantës në ndeshjen e fundit në kampionat. Ndërkohë, Mançini është ndëshkuar nga gjykatësi sportiv me tri ndeshje skualifkim në Kupën e Italisë.
PANORAMASPORT.AL
