Leroi Sane rezultoi përcaktues me dopietën e asisteve në takimin Bajern-Hofenhaim. Panorama në fjalë e ka ngjitur Sanen në kuotën e 10 asisteve, duke mos njohur rivalë jo vetëm në Bundesligë, por edhe në top 5-ligat kryesore nga kontinenti i vjetër.
E dhëna në fjalë është arritur përgjatë 16 prezencave. Ndjekësit më të afërt të “raketës” gjermane janë dyshja që militon në Premier Ligë, saktësisht Mohamed Salah dhe Oli Uatkins. Egjiptiani inkuadrohet me Liverpul dhe e ka djersitur fanellën e “reds”-ve 20 herë në ciklin 2023-2024, ndërkohë Uotkins po përjeton sezonin më të mirë në karrierë dhe është arsyeja kryesore që Aston Vila po vazhdon “ëndrrën”.
Markus Turam edhe pse ende nuk e ka mbushur një vit në ekipin e Interit, protagonizmi i tij vërehet qartë me 7 asiste, përfaqësues i Seria A në këtë kategori. Pierr-Emerik Aubumejang “nderon” Ligë 1 me ngjyrat e Marsejës. Të njëjtën shifër mban edhe Toni Kros me Realin në La Liga.
PANORAMASPORT.AL
