VIDEO/ Nuk i beson syve, shikoni reagimin e babait të Halandit kur Mesi fiton në mënyrë surprizë çmimin “The Best”

Lionel Mesi fitoi në mënyrë surprizë çmimin nga FIFA “The Best”, duke mundur Erling Haland dhe Kilian Mbape, edhe pse tashmë është pjesë e Inter Majemit në MLS.

Ky vendim solli një debat në opinionin publik, pasi ishte Mesi ai që e fitoi vitin e shkuar këtë çmim për shkak të fitimit të Kupës së Botës në Katar, teksa sezonin e kaluar argjentinasi fitoi vetëm kampionatin francez.

Reagimi që u bë viral në rrjet ishte dhe ai i babait të Erling Haland, Alf-Inge, ish-futbollist i Mançester Sitit.

Ai ishte pjesë e spektatorëve në mbrëmjen gala të zhvilluar nga FIFA, por në momentin që Mesi u shpall lojtari më i mirë i vitit, Haland Sr. nuk i besoi syve dhe madje as nuk duartrokiti.

Alf-Inge Haaland’s reaction after the Men’s player of the year was announced…

He knew a robbery was incoming which is why he left Erling at home.pic.twitter.com/SrR8osaZtz

— Al Nassr Zone (@TheNassrZone) January 16, 2024

Kujtojmë që Haland këtë sezon ishte protagonist absolut me Mançester Sitin në fitimin e “Tripletës”, duke shënuar 52 gola dhe 9 asiste në 53 ndeshje.

PANORAMASPORT.AL