Nuk ka surpriza në raundin e 1/8-ave të Kupës së Mbretit, teksa Barcelona ia doli të triumfonte me përmbysje 1-3 ndaj Unionistas që militon në ligën e tretë spanjollë, duke siguruar biletën për në çerekfinale.
Vendasit kaluan të parët në avantazh me anë të Gomez në minutën e 31-të, ndërkohë që Ferran Torres vendosi baraspeshën në minutën e 45-të.
Në fragmentin e dytë, katalanasit arritën të shënonin edhe 2 herë të tjera me Kunde dhe Balde në minutat 69 dhe 73.
Vlen të theksohet fakti Unionistas, klub i rrallë në pronësi të tifozëve, regjistroi 5 gjuajtje në kuadratin e Barcelonës, duke zhvilluar një paraqitje dinjitoze.
PANORAMASPORT.AL
Teilen:
