Vora e nisi me fitore vitin 2024 në Kategorinë e Parë. Skuadra e Klodian Arbrit mposhti 3-1 Luzin, duke regjistruar suksesin e tretë radhazi në kampionat.
Vendasit e mbyllën pjesën e parë në avantazh falë golit të Prengat. Luzi barazoi pas një ore lojë me anë të Trenit, ndërkohë që skenën më pas e mori Xhabrahimi.
27-vjeçari shënoi dy gola, duke vulosur fitoren e Vorës, që ngjitet në vendin e tretë me 33 pikë. 6 më pak se kryesuesit e Elbasanit dhe Bylisit (-1 ndeshje).
Ndërkohë, sfida tjetër Besa-Burreli nuk prodhoi asnjë gol. Të dyja skuadrat nuk arritën të gjenin rrugën e rrjetës dhe ndanë nga një pikë.
