Karim Benzema përflitet gjithnjë e më tepër se do të largohet nga Arabia Saudite.
Sulmuesi i Kombëtares së Francës u ndëshkua nga trajneri Gallardo për shkak se një herë fituesi i Topit të Artë nuk u bashkua me grupin për nisjen e përgatitjeve në 12 janar.
Ndërkohë që Al Ittihad po zhvillon një fazë përgatitore në Dubai, Benzema vijon të ndjekë një program stërvitor të diferencuar në Arabi. Situata këto që gjithnjë e më tepër shtojnë zërat për një largim të mundshëm të sulmuesit nga kampionët në fuqi të Saudi Pro Lige.
Benzema është kritikuar për paraqitjet larg pritshmërive, por nuk mendohej se lojtari do qëndronte për gjatë gjithë përgatitjeve larg skuadrës.
E ardhmja e Benzemasë lidhet me Lyonin, që kërkon me ngulm ta ketë në skuadër francezin, por mbetet për t’u parë nëse Al-Ittihad do të gjejë gjuhën e përbashkët me sulmuesin për të ulur tensionin e krijuar apo do të kemi një ndarje te parakohshme.
